«Jibek Joly» telearnasynan «Suhbat - Láılá Sultanqyzymen» kórermenge jol tartady

ASTANA. QazAqparat – Búgin «Jibek Joly» telearnasynan «Suhbat» Láılá Sultanqyzymen» atty baǵdarlama efırge shyǵady.

Aptanyń ár beısenbisinde «Jibek Joly» arnasynda shyǵatyn baǵdarlama - laýazymdy tulǵalar, qoǵam qaıratkerleri, óner maıtalmandarymen oı qozǵaıtyn Láılá Sultanqyzynyń avtorlyq baǵdarlamasy.

Baǵdarlamanyń maqsaty - tanymal tulǵalardy basqa qyrynan ashyp, olardyń ómirindegi ózgeristeri jaıly syr tartý.

Tulǵalardyń jetistik jolyndaǵy táýekelderi, batyl qadamdary, ókinishteri týraly oı qozǵaý. Búgingi qoǵamdaǵy mańyzdy oqıǵalarǵa ózindik kózqarasyn bilý.

Túsirilim alańy ártúrli keıipkerge baılanysty uıymdastyrylady.

Efır qonaqtary ózindik jetistik jolymen bólisip, ótkeni men búgini týraly syr shertedi, zaman men qoǵam jaıly áńgime aıtylady.

Eń bastysy baǵdarlama sońynda 5 suraq qoıylady. Bul ár qonaqty oılandyratyn, qyzyqty ári mańyzdy, kútpegen suraq bolmaq.

Vıdeodan alynǵan kadyrlar