Jibek Joly telearnasy «Qaıyry mol Qadir túni» arnaıy jobasyn usynady

ASTANA. QazAqparat – Aılardyń sultany - Ramazan, túnderdiń qaıyrlysy - Qadir túni. Osyǵan oraı, búgin «Jibek Joly» telearnasy «Qaıyry mol Qadir túni» arnaıy jobasyn usynady, dep habarlaıdy QazAqparat.

Qadir túni – kúlli musylman úshin Ramazan aıynda keletin mańyzdy ári qasıetti kezeńniń biri. Qazaqstan musylmandary dinı basqarmasy bıylǵy Qadir túnin sáýirdiń 17-nen 18-ne qaraǵan túnine belgilegen bolatyn. Osyǵan oraı «Jibek Joly» telearnasy búgin túngi saǵat 23:00-den 01:00-ge deıin «Qaıyry mol Qadir túni» arnaıy jobasyn usynady. Baǵdarlamany Nurlan ımam Baıjigituly júrgizedi. Efır barysynda meshittegi jamaǵatpen jáne stýdııaǵa arnaıy shaqyrylǵan meımandarmen Qadir túniniń qadir-qasıeti, mán-mańyzy týraly suhbat órbıtin bolady. Sondaı-aq, qasıetti Mekkede qajylyqta júrgen jerlesterimizben de tikeleı baılanysqa shyǵý josparlanǵan.

Qaıyry mol Qadir túninde «Jibek Joly» telearnasy qosýly bolsyn!