«Jibek Joly» telearnasynda «Ýáde» atty jańa joba kórermenge jol tartty
«Jibek Joly» telearnasy «Ýáde» atty jańa jobany bastady. Bul týraly jobanyń avtory Erbolat Muhamedjan óziniń Facebook paraqshasynda jarııalady, dep habarlaıdy QazAqparat.
Baǵdarlamada Úkimet músheleri, oblys pen qala ákimderi, ulttyq kompanııalardyń jetekshileri qonaq bolyp, júrgizýshiniń ótkir ári ózekti suraqtaryna jaýap beredi.
Jobanyń maqsaty – laýazymdy tulǵalardyń halyqqa bergen ýádesi men Prezıdenttiń tapsyrmalaryn oryndaý aıasynda jaýaptar alý. Baǵdarlama saıası-ekonomıkalyq, áleýmettik jaǵdaı̆lar men mádenı-rýhanı keńistikti de qamtıdy.
Jańa jobanyń alǵashqy qonaǵy – Abaı oblysynyń ákimi Nurlan Uranhaev.
Aımaq basshysy oblysta oryndalyp jatqan birneshe joba týraly aıtyp berdi. Sondaı-aq, Abaı oblysynda jazda bolǵan «Semeı ormany» órti neden týyndaǵanyn, oblystaǵy joldardyń jaıy men aýylsharýashylyǵy nelikten turalap turǵany týraly suraqtarǵa jaýap berdi.
Suhbat sońynda Nurlan Telmanuly «Abaı oblysy 2025 jylǵa deıin taza aýyz sýymen tolyq qamtamasyz etiledi» dep ýáde berdi.
Aıta ketsek, baǵdarlama juma saıyn saǵat 21:30-da shyǵady.
