Jibek Joly telearnasynda Quryltaı saılaýyna úgit materıaldaryn jarııalaý tártibi

«Jibek Joly/Silk Way» telearnasynyń (budan ári – Telearna) menshik ıesi Qazaqstan Respýblıkasy Prezıdenti Іs basqarmasynyń «Qazaqstan Respýblıkasy Prezıdentiniń teleradıokesheni» ShJQ RMK (budan ári – Kásiporyn) «Qazaqstan Respýblıkasyndaǵy saılaý týraly» Qazaqstan Respýblıkasynyń 1995 jylǵy 28 qyrkúıektegi №2464 Konstıtýtsııalyq zańyna sáıkes Qazaqstan Respýblıkasy Quryltaıynyń depýtattyǵyna kandıdattarynyń partııalyq tizimderin usynǵan jáne tirkegen saıası partııalarǵa (budan ári – Saıası partııa) Telearnada saılaý aldyndaǵy úgit materıaldaryn (budan ári – Úgit materıaldary) ornalastyrýdyń tóleý mólsheri, sharttary týraly habarlaıdy.

Saılaý aldyndaǵy úgit partııalyq tizimderdi tirkeý merzimi aıaqtalǵan sátten bastalady jáne saılaý kúniniń aldyndaǵy kúnniń jergilikti ýaqyty boıynsha nól saǵatta aıaqtalady. Osylaısha, Úgit materıaldaryn telearna efırinde ornalastyrý 2026 jylǵy 23 shildede jergilikti ýaqyt boıynsha saǵat 18.00-den keıin júzege asyrylady jáne 2026 jylǵy 22 tamyzda jergilikti ýaqyt boıynsha saǵat 00:00-de aıaqtalady.

Telearnada Úgit materıaldaryn ornalastyrý Kásiporyn men partııalyq tizimderdi usynǵan Saıası partııa nemese Saıası partııanyń ýákiletti tulǵasy arasynda jasalatyn jazbasha shart negizinde júzege asyrylady. Telearnada Úgit materıaldaryn ornalastyrý qolda bar tehnıkalyq jáne efırlik múmkindikter eskerile otyryp júzege asyrylady.

Telearnada efır ýaqytyn berý tómendegi Úgit materıaldaryn:

1. memlekettik nemese memlekettik jáne orys tilderindegi beınerolıkter;

2. arnaıy reportajdar;

3. ózge de Úgit materıaldaryn ornalastyrý arqyly júzege asyrylady.

Telearnada Úgit materıaldaryn ornalastyrý týraly shart jasasýǵa Saıası partııanyń ne onyń ýákiletti ókiliniń Kásiporyn basshylyǵynyń atyna jazbasha ótinishi negiz bolyp tabylady. Úgit materıaldaryn efırde ornalastyrýdyń sany, kólemi, boljanatyn kúni men ýaqyty Saıası partııanyń ne onyń ýákiletti ókiliniń jazbasha ótinishinde kórsetiledi, olar keıinnen sharttyń talaptarymen bekitiledi.

Ótinish Saıası partııalardyń ótinishterin tirkeý jýrnalynda kezektilik tártibimen árbir jazbasha ótinishke rettik nómiri men kelip túsken kúnin berý arqyly tirkeledi.

Jazbasha ótinishke mynadaı qujattar qosa berilýge tıis:

1) partııalyq tizimniń usynylǵanyn rastaıtyn qujattyń kóshirmesi;

2) Saıası partııanyń ýákiletti ókiliniń ókilettigin rastaıtyn qujattyń kóshirmesi;

3) ótinish berýshi tulǵanyń jeke kýáliginiń kóshirmesi;

4) shart jasasý úshin adamnyń ókilettigin rastaıtyn qujattar (senimhat).

Saıası partııalardyń Úgit materıaldaryn Telearna efırinde ornalastyrý kezektiligi jazbasha ótinishterdiń kelip túsý tártibimen ne eger ótinishter bir mezgilde kelip túsken jaǵdaıda jerebe boıynsha belgilenedi. Jerebeni ótkizý tártibi men sharttaryn Kásiporyn aıqyndaıdy.

Eger jazbasha ótinish kelip túsken sátte suralǵan ýaqyt buryn júgingen basqa Saıası partııaǵa berilse ne tehnıkalyq múmkindikteri boıynsha berilmese, Kásiporyn Saıası partııaǵa Telearnanyń tehnıkalyq jáne efırlik múmkindikterin eskere otyryp, Úgit materıaldaryn ornalastyrý úshin ózge ýaqyt usynady.

Úgit materıaldary mynadaı talaptarǵa saı bolýy tıis:

Jazý formaty: FULL HD 16: 9.

Beıne: Apple ProRes MXF Op1a formaty, Apple ProRes proxy, 50 kadr/sek, 1920x1080 ajyratymdylyǵy, Progressive skanerleý túri, kadr araqatynasy 16:9

Aýdıo: PCM, WAV, 24 bıt, 48 kHz formaty, -12 DB deńgeıi, materıaldyń sońǵy nusqasyndaǵy dybys 1-shi stereo arnanyń sol jaq jolyna túsip, oń jaq jolǵa kóshirilýi kerek (jalǵan stereo). Beıne jáne aýdıo MXF OR-1a konteınerinde bolýy kerek.

Úgit materıaldary syrtqy tasymaldaǵyshtarda (qatty dısk, flesh-karta) ne elektrondyq jadqa silteme berý arqyly beriledi.

Úgit materıaldarynda osy materıaldardy shyǵarǵan uıym, tapsyrys bergen tulǵalar týraly málimetter, sondaı-aq qarjylandyrý kózderi týraly málimetter bolýǵa tıis. Qazaqstan Respýblıkasynyń aýmaǵynan tys jerlerde úgit materıaldaryn daıyndaýǵa, anonımdi úgit materıaldaryn taratýǵa, sondaı-aq aǵymdaǵy naýqanǵa daıyndalmaǵan materıaldardy paıdalanýǵa tyıym salynady.

Úgit materıaldaryn usynǵan Saıası partııalar olardyń mazmunynyń Qazaqstan Respýblıkasy zańnamasynyń talaptaryna, onyń ishinde avtorlyq jáne sabaqtas quqyqtar salasyndaǵy talaptarǵa sáıkestigi úshin derbes jaýapty bolady.

Úgit materıaldarynda konstıtýtsııalyq qurylys negizderin kúshtep ózgertý, respýblıkanyń tutastyǵyn buzý, memleket qaýipsizdigine nuqsan keltirý, áleýmettik, násildik, ulttyq, etnıkalyq, dinı basymdyq nemese alaýyzdyq, qatygezdik pen zorlyq-zombylyqqa tabyný, zańnamada kózdelmegen áskerılendirilgen quralymdar qurý ıdeıalary bolsa, sondaı-aq olarda basqa saıası partııalardyń ar-namysyna, qadir-qasıetine nemese iskerlik bedeline nuqsan keltiretin aqparat bolǵan jaǵdaıda, Kásiporyn Úgit materıaldaryn ornalastyrýdan bas tartady.

Úgit materıaldary Kásiporynǵa saılaý aldyndaǵy úgittiń birinshi kúninde jazbasha ótinish bergen kúninde, efırge shyǵýǵa deıin 6 saǵattan keshiktirilmeı, al kelesi kúnderi – Telearna efırine boljamdy shyǵýǵa deıin keminde kúntizbelik 3 (úsh) kún buryn usynylýǵa tıis.

Úgit materıalymen bir mezgilde: Kásiporynmen shartqa qol qoıýǵa ýákiletti tulǵa qol qoıǵan Úgit materıalynyń mazmuny bolyp tabylatyn mátinniń tolyq jazylýy, beıneleri Úgit materıaldarynda paıdalanylǵan tulǵalardyń jazbasha ruqsattary, al olar qaıtys bolǵan jaǵdaıda – muragerlerdiń jazbasha ruqsattary, Úgit materıaldarynda kámeletke tolmaǵan balalardyń beıneleri paıdalanylǵan jaǵdaıda – zańdy ókilderdiń jazbasha ruqsattary usynylady.

Osy aqparattyq habarlamada kórsetilgen talaptar men tártip buzylǵan jaǵdaıda, sondaı-aq tıisti sharttyń talaptary buzylǵan jaǵdaıda Úgit materıaldaryn ornalastyrý júrgizilmeıdi ne buzýshylyq joıylǵanǵa deıin toqtatyla turady.

Osy aqparattyq habarlamada kórsetilgen Úgit materıaldaryn Telearnada ornalastyrý sharttary men tártibi Qazaqstan Respýblıkasynyń ýákiletti organdarynyń talaptaryna sáıkes túzetilýi múmkin

1.  «Jibek Joly/Silk Way» telearnasy efırinde materıal ornalastyrý úshin efırlik ýaqyt berý

2. Pikirtalas, jaryssóz, talqylaý nysanyndaǵy baǵdarlamalardy túsirip shyǵarý jáne taratý

Úgit materıaldaryn Telearna efırinde ornalastyrý olar efırge shyqqan kezde Telearnanyń habar taratý ortalarynda Telearnanyń efırlik sıgnalynyń quramynda taratýdy qamtıdy.

Úgit materıaldaryn Telearna efırinde ornalastyrýǵa arnalǵan shart boıynsha tólem shot berilgen kúnnen bastap 5 (bes) jumys kúni ishinde Kásiporyn usynǵan tólem shoty negizinde júzege asyrylady

Kásiporyn jazbasha ótinishterdi 2026 jylǵy 23 shildeden bastap 2026 jylǵy 18 tamyzdy qosa alǵanda, demalys jáne mereke kúnderin qospaǵanda, saǵat 09.00-den 18.00 mınýtqa deıin, úzilis saǵat 13.00-den 14.30-ǵa deıin, Astana qalasy, Aqmeshit kóshesi 3 mekenjaıy boıynsha 6 qabat, 606 keńsede, 570269 (ishki 620) telefon arqyly qabyldaıdy.

Faksımıldi jáne ınternet baılanysy arqyly jazbasha ótinishter qabyldanbaıdy.

Qazaqstan Respýblıkasy Prezıdenti

Іs basqarmasynyń «Qazaqstan Respýblıkasy

Prezıdentiniń teleradıokesheni» ShJQ RMK