Jibek Joly telearnasy «Tamasha» teleshoýy týraly serıal túsiredi
ASTANA. KAZINFORM - Jańa maýsymda «Jibek Joly» telearnasynyń kórermenderine aty ańyzǵa aınalǵan «Tamasha» ázil-syqaq teatrynyń tanymal nómirleri men akterleriniń sahna syrtyndaǵy ómiri týraly serıal usynylady.
Bıyl «Tamasha» telebaǵdarlamasynyń efırge shyqqanyna 45 jyl. Serıalda Qazaqstannyń mádenı murasy tizimine engen shyǵarmashylyq ujymnyń qurylý tarıhy men qalyptasý joly kórsetiledi. Avtorlar kórermendi Keńes Odaǵy ydyrap, Táýelsizdikke alǵashqy qadamdar jasalyp jatqan 90-jyldarǵa oraltpaq.
«Tamasha» shoýy tuńǵysh ret 1978 jyly jeltoqsanda qoıyldy. Jarqyn telebaǵdarlamanyń negizin qalaýshy - rejısser Luqpan Esenov pen redaktor Qoıshyǵul Jylqyshıev. Teatr sahnasynda Qudaıbergen Sultanbaev, Tuńǵyshbaı Jamanqulov, Lıdııa Kádenova, Meıirman Nurekeev, Toqsyn Qulybekov, Ýaıs Sultanǵazın, Gúlbaýshan Tileýbekova, Danagúl Temirsultanovalar óner kórsetti.
