Jibek Joly telearnasy Aqtaýdaǵy túrki álemine arnalǵan kontsertti tikeleı efırde kórsetedi
ASTANA. KAZINFORM – Búgin saǵat 19:30-da Jibek Joly telearnasy «Aqtaý – túrki áleminiń mádenı astanasy» atty iri shoýdy tikeleı efırde kórsetedi.

Іs-sharanyń ashylý saltanatyna 25 myń adam qatysady dep josparlanǵan. Uıymdastyrýshylar – TÚRKSOI halyqaralyq uıymy, Mádenıet jáne aqparat mınıstrligi, Mańǵystaý oblysy men Aqtaý qalasynyń ákimdigi.
Shoý kontsertke Dımash Qudaıbergen, «Kalifarniya», Mırbek Atabekov qatysady. Sondaı-aq, ázerbaıjandyq ánshi Roza Zergerli men áıgili «ıAlla» toby da bar.
Aıta ketý kerek, Aqtaý túrki áleminiń mádenı astanasy mártebesin alǵan úshinshi qazaqstandyq qala boldy. Mundaı mártebe 2012 jyly Astanaǵa, keıin Eskıshehır (Túrkııa), Qazan (Reseı), Mara (Túrikmenstan) jáne Shekı (Ázirbaıjan) qalalaryna berilgen bolatyn.
Іs-shara aıasynda aqyndar aıtysy, sýretshiler men músinshiler sımpozıýmy, qolónershiler festıvali jáne tarıhı-ǵylymı konferentsııalar ótedi. Kórermenderge arnap dron shoýy ázirlengen. Osy dýmannyń bárin Túrkııa men Ázirbaıjan turǵyndary tikeleı efırde kóre alady.
Buǵan deıin Aqtaýda arǵyqazaq mıfologııasyna qurylǵan «Sýyn aıǵyr» aýyly ashylǵanyn jazǵan edik.