Jibek Joly / Silk Way arnasyndaǵy jańa premeralar: qurlyqtardy toǵystyrǵan jobalar
ASTANA. KAZINFORM — Jibek Joly / Silk Way Almatydan Seýlge, Erevannan Ulan-Batyrǵa deıingi kórermen nazaryn bir arnaǵa toǵystyra alatyn, jarqyn jobalarǵa toly jańa televızııalyq maýsymyn usynady.
Kópten kútken premeralardyń biri — «Silk Way Star».
Halyqaralyq mýzykalyq joba alǵash ret jyl oqıǵasyna aınalyp otyr.
Uly Jibek jolynyń boıyndaǵy 12 memlekettiń, Ázerbaıjannan bastap, Ońtústik Koreıaǵa deıingi aralyqtaǵy el talanttaryn bir sahnada biriktirgen shoý tartymdy saıys tapsyrmalary, kross-mádenı dýetter, ondaǵan tilde shyrqalatyn áýezdi ánder men gala-kontsertten turady.
Dál osy joba qorytyndysynda óner álemindegi mýltımádenı formattaǵy alǵashqy juldyzdyń esimi elge tanylady.
«Silk Way Star» — bul shekarasyz mýzyka álemi.
Álemdik aýdıtorııa premerany 20-qyrkúıekte tamashalaıdy.
Halyqaralyq baıqaýǵa Qazaqstan atynan otandyq estrada juldyzy, kompozıtor, áıgili Ninety One tobynyń múshesi Batyrhan Malıkov (Alem) qatysady.
Joba alańyna ár el mádenıetiniń eń tańdaýly ártisteri shyǵyp, kúlli álemge mýzykanyń qudyreti men talanttaryn pash etedi.
Sonymen qatar jańa maýsymda realıtı-shoýlar, saraptamalyq salmaqty baǵdarlamalar men eńbek adamdary jaıly biregeı jobalar usynylady.
«Eń myqty» — jumysshy mamandyqtar jyly aıasynda túsirilgen realıtı-shoý. 20 qatysýshy da qarapaıym eńbek adamdary: qurylysshylar, dánekerleýshiler, mehanıkter — tosyn, tótenshe, qıyn synaqtardan ótip, kúsh-jigerdiń, minezdiń jáne tapqyrlyqtyń naǵyz erlik ekenin dáleldeıdi. Bul — eńbekke degen qurmetti dáripteıtin shoý.
«Kesh emes» — san túrli taǵdyrdy bastan keshirgen názik jandylar jaıly baǵdarlama. Olar sahnaǵa shyǵyp, aıaqsyz qalǵan armandaryn júzege asyrady. Árbiriniń óneri — áıel zatynyń jigeri, talanty men sulýlyǵyn tanytady.
«Life of a diplomat» jobasynda halyqaralyq aýdıtorııa alǵash ret qazaqstandyq dıplomatııalyq qyzmettiń qyr-syrymen tanysady. Bul — úlken saıasat shymyldyǵy artyndaǵy «qupııalarmen» tanysýǵa jol ashatyn sırek múmkindik.
«Eń arzan toı» — nesıege júginbesten, artyq shyǵynsyz saltanatty toı jasaýdyń tıimdi joly kórsetiletin realıtı-shoý. Jobadaǵy oqıǵalar kórermenge etene tanys ári shynaıy.
Jańa televızııalyq maýsymda qoǵamdyq-saıası taqyryptaǵy mańyzdy jobalar jalǵasyn tabady.
«Búgin.Live» — Jibek Joly stýdııasynda sarapshylar, keıipkerler men kýágerler tikeleı efırde búgingi kúnniń eń ózekti máselelerin ortaǵa salyp, kópti tolǵandyrǵan ótkir taqyryptardy talqylaıdy.
«Bolshaıa dıplomatııa» — eldegi jáne álemdegi ózekti oqıǵalar týraly ashyq talqy. Otandyq jáne sheteldik sarapshylar, saıasattanýshylar Qazaqstannyń syrtqy saıası ustanymynyń el qaýipsizdiginen bastap, ekonomıkasy men áleýetine, qoǵamdyq ólshemine áserin ashyq talqylaıdy.
«Pravda v detalıah» — Memleket basshysynyń «Zań men tártip» qaǵıdatyn qoldaýǵa arnalǵan jýrnalıstik zertteý. Baǵdarlamada keıingi jyldardaǵy eń rezonansty qylmystyq ister: iri esirtki zerthanalarynyń áshkerelenýi, uıymdasqan qylmystyq toptardyń jolyn kesý, sybaılas jemqorlyq derekteri baıandalady.
«Jahan jaıy» — halyqaralyq oqıǵalar qazaqstandyq kózqaras turǵysynan qarastyrylatyn baǵdarlama. Joba ulttyq qundylyqtarǵa, mádenıetke jáne elimizdiń jahandyq kontekstegi strategııalyq ustanymyna basymdyq beredi.
Jańa maýsymdaǵy Jibek Joly / Silk Way — bul álemdi shynaıy sezinetin, shyn sóıleıtin jáne barshany biriktiretin telearna. Munda oıdan qurastyrylǵan keıipkerler joq — tek shynaıy adamdar, rııasyz sezimder men mańyzdy mazmun bar!