Quryltaı saılaýy: Jibek Joly radıosy efırinen ýaqyt berý sharttary

«Jibek Joly» radıoarnasynyń (budan ári – Radıoarna) menshik ıesi Qazaqstan Respýblıkasy Prezıdenti Іs basqarmasynyń «Qazaqstan Respýblıkasy Prezıdentiniń teleradıokesheni» ShJQ RMK (budan ári – Kásiporyn) «Qazaqstan Respýblıkasyndaǵy saılaý týraly» Qazaqstan Respýblıkasynyń 1995 jylǵy 28 qyrkúıektegi №2464 Konstıtýtsııalyq zańyna sáıkes Qazaqstan Respýblıkasy Quryltaıynyń depýtattyǵyna kandıdattarynyń partııalyq tizimderin usynǵan jáne tirkegen saıası partııalarǵa (budan ári – Saıası partııa) saılaý aldyndaǵy úgit materıaldaryn (budan ári – Úgit materıaldary) ornalastyrý úshin Radıoarnada efırlik ýaqytty berýdiń tóleý mólsheri, úgit materıaldaryn ornalastyrý sharttary jáne tártibi týraly habarlaıdy.

Saılaý aldyndaǵy úgit partııalyq tizimderdi tirkeý merzimi aıaqtalǵan sátten bastalady jáne saılaý kúniniń aldyndaǵy kúnniń jergilikti ýaqyty boıynsha nól saǵatta aıaqtalady. Osylaısha, Úgit materıaldaryn Radıoarna efırinde ornalastyrý 2026 jylǵy 23 shildede saǵat 18.00-den keıin júzege asyrylady jáne 2026 jylǵy 22 tamyzda saǵat 00:00-de aıaqtalady. 

Radıoarnada efırlik ýaqytty berý Kásiporyn men partııalyq tizimderdi usynǵan Saıası partııa nemese Saıası partııanyń ýákiletti tulǵasy arasynda jasalatyn jazbasha shart negizinde júzege asyrylady. Efırlik ýaqyt qolda bar tehnıkalyq múmkindikter eskerile otyryp usynylady.

Efırlik ýaqytty berý týraly shart jasasýǵa Saıası partııanyń ne onyń ýákiletti ókiliniń Kásiporyn basshylyǵynyń atyna jazbasha ótinishi negiz bolyp tabylady. Úgit materıaldaryn efırde ornalastyrýdyń sany, kólemi, boljanatyn kúni men ýaqyty Saıası partııanyń ne onyń ýákiletti ókiliniń jazbasha ótinishinde kórsetiledi, olar keıinnen sharttyń talaptarymen bekitiledi.

Ótinish Saıası partııalardyń ótinishterin tirkeý jýrnalynda kezektilik tártibimen árbir jazbasha ótinishke rettik nómiri men kelip túsken kúnin berý arqyly tirkeledi.

Jazbasha ótinishke mynadaı qujattar qosa berilýge tıis:
1) partııalyq tizimniń usynylǵanyn rastaıtyn qujattyń kóshirmesi;
2) Saıası partııanyń ýákiletti ókiliniń ókilettigin rastaıtyn qujattyń kóshirmesi;
3) ótinish berýshi tulǵanyń jeke kýáliginiń kóshirmesi;
4) shart jasasý úshin adamnyń ókilettigin rastaıtyn qujattar (senimhat).

Saıası partııalardyń Úgit materıaldaryn Radıoarna efırinde ornalastyrý kezektiligi jazbasha ótinishterdiń kelip túsý tártibimen ne eger ótinishter bir mezgilde kelip túsken jaǵdaıda jerebe boıynsha belgilenedi. Jerebeni ótkizý tártibi men sharttaryn Kásiporyn aıqyndaıdy.

Eger jazbasha ótinish kelip túsken sátte suralǵan ýaqyt buryn júgingen basqa Saıası partııaǵa berilse ne tehnıkalyq múmkindikteri boıynsha berilmese, Kásiporyn Saıası partııaǵa Radıoarnanyń tehnıkalyq múmkindikterin eskere otyryp, Úgit materıaldaryn ornalastyrý úshin ózge ýaqyt usynady.

Úgit materıaldary Kásiporynǵa saılaýaldy úgittiń birinshi kúninde jazbasha ótinish bergen kezde sol kúni efırge shyqqanǵa deıin 6 saǵattan keshiktirmeı, al kelesi kúnderi – Radıoarnada efırge shyǵýy boljanǵanǵa deıin keminde kúntizbelik 3 (úsh) kún buryn usynylýy tıis.

Úgit materıaldary mynadaı talaptarǵa saı bolýy tıis:

Faıl pishimi: MP3
Dıskretteý jıiligi: 48 000 Gts (48 kHz)
Bıtreıt: kem degende 320 kbps
Stereo

Aýdıo materıaldar syrtqy tasymaldaǵyshtarda (qatty dısk, flesh-karta) ne elektrondyq jadqa silteme berý arqyly beriledi.

Beınetasyǵyshpen bir mezgilde efır ýaqytyn berý týraly shartqa qol qoıýǵa ýákiletti tulǵa qol qoıǵan Úgit materıalynyń mazmuny bolyp tabylatyn mátinniń tolyq jazylýy usynylady.

Úgit materıaldarynda osy materıaldardy shyǵarǵan uıym, tapsyrys bergen tulǵalar týraly málimetter, sondaı-aq qarjylandyrý kózderi týraly málimetter bolýǵa tıis. Qazaqstan Respýblıkasynyń aýmaǵynan tys jerlerde úgit materıaldaryn daıyndaýǵa, anonımdi úgit materıaldaryn taratýǵa, sondaı-aq aǵymdaǵy naýqanǵa daıyndalmaǵan materıaldardy paıdalanýǵa tyıym salynady.

Úgit materıaldarynda olardyń tólengeni, qarjylandyrý kózderi týraly dybystyq aqparat bolýǵa tıis

Úgit materıaldaryn usynǵan Saıası partııalar olardyń mazmunynyń Qazaqstan Respýblıkasy zańnamasynyń talaptaryna, onyń ishinde avtorlyq jáne sabaqtas quqyqtar salasyndaǵy talaptarǵa sáıkestigi úshin derbes jaýapty bolady.

Osy aqparattyq habarlamada kórsetilgen talaptar men tártip buzylǵan jaǵdaıda, sondaı-aq tıisti sharttyń talaptary buzylǵan jaǵdaıda Úgit materıaldaryn efırge berý júrgizilmeıdi ne buzýshylyq joıylǵanǵa deıin toqtatyla turady.

Úgit materıaldarynda konstıtýtsııalyq qurylys negizderin kúshtep ózgertý, respýblıkanyń tutastyǵyn buzý, memleket qaýipsizdigine nuqsan keltirý, áleýmettik, násildik, ulttyq, etnıkalyq, dinı basymdyq nemese alaýyzdyq, qatygezdik pen zorlyq-zombylyqqa tabyný, zańnamada kózdelmegen áskerılendirilgen quralymdar qurý ıdeıalary bolsa, sondaı-aq olarda basqa saıası partııalardyń ar-namysyna, qadir-qasıetine nemese iskerlik bedeline nuqsan keltiretin aqparat bolǵan jaǵdaıda, Kásiporyn Úgit materıaldaryn ornalastyrýdan bas tartady.

Kásiporyn kandıdattardyń nemese saıası partııanyń ar-namysyna, qadir-qasıetine jáne iskerlik bedeline kórineý nuqsan keltiretin aqparat bolǵan jaǵdaıda, Úgit materıaldaryn efırge shyǵarýdan bas tartady.

Osy aqparattyq habarlamada kórsetilgen efır ýaqytyn berý sharttary men tártibi Qazaqstan Respýblıkasynyń ýákiletti organdarynyń talaptaryna sáıkes túzetilýi múmkin.

1. Jibek Joly radıoarnasynda úgit materıaldardy ornalastyrý úshin efırlik ýaqytty berý

Úgit materıaldaryn Radıoarnada ornalastyrýǵa jasalǵan shart boıynsha tólem shot berilgen kúnnen bastap 5 (bes) jumys kúni ishinde Kásiporyn usynǵan tólem shoty negizinde júzege asyrylady.

Kásiporyn jazbasha ótinishterdi 2026 jylǵy 23 shildeden bastap 2026 jylǵy 18 tamyzdy qosa alǵanda, demalys jáne mereke kúnderin qospaǵanda, saǵat 09.00-dan 18.00 mınýtqa deıin, úzilis saǵat 13.00-den 14.30-ǵa deıin, Astana qalasy, Aqmeshit kóshesi 3 mekenjaıy boıynsha 6 qabat, 606 keńsede, 570269 (ishki 620) telefon arqyly qabyldaıdy.

Faksımıldi jáne ınternet baılanysy arqyly jazbasha ótinishter qabyldanbaıdy.

Qazaqstan Respýblıkasy Prezıdenti

Іs basqarmasynyń «Qazaqstan Respýblıkasy

Prezıdentiniń teleradıokesheni» ShJQ RMK