Jibek Joly efırindegi teledebat: partııa ókilderiniń sóz sóıleý reti belgili boldy
ASTANA. KAZINFORM — Quryltaı saılaýyna qatysatyn saıası partııalardyń úshinshi teledebaty Jibek Joly arnasynda ótedi. Al búgin telearnanyń tikeleı efırinde ótken jerebe tartý rásimi barysynda partııa ókilderiniń pikirsaıysta sóz sóıleý reti anyqtaldy.
Quryltaı saılaýyna qatysatyn jeti saıası partııanyń ókilderi rásimge tolyq qatysty. Іs-shara ashyq formatta uıymdastyrylyp, barlyq qatysýshyǵa teń múmkindik berildi.
Jerebe tartý rásimi bul joly ózgeshe ótti. Saıası partııalardyń ataýy jazylǵan kartochkalar júrgizýshilerdiń aldyna qoıyldy. Ár ashylǵan kartochkadaǵy partııa pikirsaıysta sóz sóıleý retin ózi tańdaǵan nómir boıynsha belgiledi. Nátıjeler birden elektrondy júıege tirkelip, ekranda kórsetilip otyrdy.
Osy tártippen televızııalyq debat barysynda saıası partııalar ókilderiniń sóz sóıleý reti belgilendi:
1. «Aq jol» partııasy — Bek-Muhamed Jáýkebaev, Ermek Ábildın;
2. Jalpyulttyq sotsıal-demokratııalyq partııasy — Larısa Lı, Nuraınash Kamalova;
3. «Ádilet» partııasy — Aıjan Aımaǵanova, Mádı Myrzaǵaraev;
4. Qazaqstannyń Halyq partııasy — Jandos Bıdaıbekov, Irına Smırnova;
5. «Aýyl» partııasy — Jazıra Sultanqulova, Erbolat Saýryqov;
6. «Baıtaq» partııasy — Amalbek Ómirtaı, Almat Turtaev;
7. Respublica partııasy — Oljas Quspekov, Dınara Shúkijanova;
Esterińizge sala keteıik, bul jolǵy pikirtalastyń formaty erekshe. Basty ózgesheligi — jeti partııadan eki ókilden, ıaǵnı 14 spıker pikirsaıysqa shyǵady. Teledebat erteń, 12 tamyzda saǵat 20:00–de bastalady. Taqyryby: Zań men tártip — ádiletti Qazaqstannyń negizi.
Teledebattyń tikeleı translıatsııasyn Jibek Joly telearnasynyń efırinen, sondaı-aq telearnanyń resmı YouTube arnasynan kórińizder.
