Jibek Joly arnasynan Muhtar Áýezovtiń 125 jyldyǵyna arnalǵan fılm kórsetiledi

ASTANA. QazAqparat – Búgin qazaq ádebıetiniń klassıgi, uly jazýshy Muhtar Áýezovtiń týǵanyna 125 jyl tolyp otyr. Zańǵar jazýshynyń mereıtoıyna arnalǵan fılm osy senbi, 1 qazanda Jibek Joly telearnasynan «Nasha ıstorııa» jobasy aıasynda kórsetiledi, dep habarlaıdy QazAqparat.

«Nasha ıstorııa» jobasy tarıhı tulǵalarǵa, tarıhta óshpes iz qaldyrǵan qyzyqty faktilerge arnalady. Olardyń kóbi ádebıettiń, qoǵamnyń, mýzykanyń, mádenıettiń, tarıhtyń damýyna erekshe úles qosqan tulǵalar. Bıyl kórermen nazaryna mereıtoıy atap ótiletin tulǵalar týraly fılmder usynamyz», - deıdi joba avtory Maııa Bekbaeva.

Baǵdarlamanyń birinshi shyǵarylymy áıgili qazaq jazýshysy, dramatýrg jáne ǵalym Muhtar Áýezovke arnalǵan. Bıyl jazýshynyń týǵanyna 125 jyl tolyp otyr.

Maııa Bekbaeva fılmniń stsenarııin jazý barysynda muraǵat qujattarymen jumys istegenin aıtady. Túsirilim eki qalada ótip, eki aptaǵa sozylǵan.

Birinshi bólim jazýshynyń týǵan ólkesi Semeı óńirinde (Áýezov Semeı ýezi Shyńǵystaý bolysynda dúnıege kelgen) túsirilgen.

Onyń ádebı jáne saıası qyzmeti osy qalamen tyǵyz baılanysty.

Fılmniń ekinshi bólimi Almatyda túsirildi. Baǵdarlama M.Áýezovtiń murajaı úıi, Ǵylym Akademııasy sııaqty oryndardy qamtyǵan.

Jobanyń túsirilimine Abaı atyndaǵy memlekettik qazaq mýzykalyq drama teatrynyń akterleri tartyldy.

«Alty jyldan astam ýaqyt boıy osy taqyryppen aınalysyp kelemin. Júzge jýyq fılm túsirildi. Bul joly biz jazýshynyń ómirindegi eń jarqyn oqıǵalardy qalpyna keltirýge tyrystyq. Biz oǵan basqa qyrynan qaraýǵa tyrysamyz» - deıdi Maııa Bekbaeva.

Jańa formattaǵy «Nasha ıstorııa» jobasyn kórermen qaýym Jibek Joly arnasynan tamashalaı alady.

Muhtar Áýezovtiń mereıtoıyna arnalǵan fılm osy senbide ekranǵa shyǵady.