Jibek Joly arnasy jańa telemaýsymda qandaı baǵdarlamalar usynady

NUR-SULTAN. QazAqparat –1 qyrkúıekten bastap «Jibek Joly» degen atpen kórermenniń kózin qýantqan burynǵy QazaqTV telearnasy jańa telemaýsymda kórermenderdi árqıly kontentpen qýantpaqshy, dep habarlaıdy QazAqparat tilshisi.

Dástúrli túrde kúzde bastalatyn televızııa maýsymynda bul arna «Jańa ýaqyt», «Novoe vremıa» aqparattyq-saraptamalyq baǵdarlamasyn, «El» saıası tok-shoýyn, Láılá Sultanqyzynyń avtorlyq baǵdarlamasyn, Qydyráli Bolmanov pen Qaraqat Ábildınanyń «Jaqsy adamdarym» atty mýzykalyq shoýyn usynady.

Kórermen qalaýy negizinde Nurlan Qoıanbaevtyń «Jańa túngi stýdııasy», «Sheteldegi qazaq balalary» jáne «Qandastar» baǵdarlamalary kógildir ekranǵa qaıta oralyp otyr.

Arna ónimderiniń arasynda QR Prezıdenti Teleradıokesheniniń biregeı derekti kontenti de bar. ıAǵnı, teleradıokeshenniń altyn qoryna engen jobalar men fılmder kórermen nazaryna usynylady.

Arnany búkil Qazaqstannyń aýmaǵynda tsıfrlyq efırlik, spýtnıktik jáne kabeldik teledıdarda, sondaı-aq arnanyń resmı saıtynda onlaın-kórsetilim arqyly tamashalaýǵa bolady. Al «Jibek Joly World» brendi el ımıdjin ilgeriletýge baǵyttalǵan. Qazaqstannan tys aýmaqta burynǵydaı álemniń 120-dan astam elinde elinde qazaq, aǵylshyn, orys, qyrǵyz jáne ózbek tilderinde kóparnaly formatta habar taratylady.

Sheteldik kórermenderdiń nazaryna Qazaqstannyń tarıhy, biregeı tabıǵaty, mádenıeti, salt-dástúri týraly baıandaıtyn 40-tan astam aqparattyq-tanymdyq baǵdarlama usynylady. Olardyń ishinde kórermen súıip qaraıtyn «Outdoor Central Asia», «Welcome to Kazakhstan», «My day in Kazakhstan», «Kazakh brand», «Searching for Mystery», «Ken dala» jobalary jáne birqatar avtorlyq saraptamalyq baǵdarlamalary bar.

«Jibek Joly» - 2022 jyldyń 1 sáýirinen bastap QR Prezıdenti Teleradıokesheniniń quramyna kiretin Qazaq TV spýtnıktik telearnasynyń jańa ataýy. Esterińizge sala keteıik, QazaqTV arnasy 2002 jyldyń 25 qazanynda Caspionet ataýymen habar tarata bastady. Bul arna keıingi jyldary sheteldik aýdıtorııaǵa ǵana habar taratty. Endi arna «Jibek Joly» brendimen Qazaqstannyń televızııalyq naryǵyna qaıta oralyp otyr. «Jibek Joly» telearnasy táýligine 24 saǵat, aptasyna 7 kún qazaq jáne orys tilderinde habar taratady. Arnanyń biregeı habar taratatyn álemine ený úshin teledıdardyń jetinshi túımesin bassańyz bolǵany.