Jibek Joly arnasy Jańa jyl keshinde mıýzıkl kórsetedi

31 jeltoqsan kúni keshki saǵat 19.00-de Jibek joly telearnasy «Bir el – bir otbasy» atty jańajyldyq fılm-kontsertti kórermen nazaryna usynady, dep habarlaıdy Kazinform.

Jibek esimdi qarshadaı qyz jańa jyl kúni jalǵyz úıde qalady. Oǵan basty sebep — densaýlyǵy syr bergen ájesiniń aýyr jaǵdaıy.

Ata-anasy naýqastyń janynan tabylyp, dertine shıpa bolý úshin alys jolǵa shyqqan edi. Jibek jolyna úıde jalǵyz qalǵany týraly, al jańa jyl túnin ata-anasymen qarsy alýdy qalaıtynyn Jibek joly arnasyna joldaıdy.

Bul jaǵdaıdy Jibektiń ata-anasy radıo arqyly estip, ýaıymǵa salynady. Olar kóligi synyp, jol ortasynda qalǵan edi.

Erli-zaıyptylar Jibek joly jýrnalısterimen baılanysyp, oqıǵannyń mán-jaıyn túsindiredi. Osy sátten bastap, telearna qyzmetkerlerimen birge tutas qazaq eli kómek qolyn sozýǵa kirsedi.

Sıýjettik jeliniń ıdeologııasy — «Bir el — bir otbasy». ıAǵnı, jańa jyldy januıadan bólek, el, qaýym bop qarsy alýdyń máni ekrandalady.

Qıyn kezde kómek qolyn sozǵan meıirimdi jandardyń adamgershiligi, jaqsylyq jasap jarysqan juldyzdardyń úlgibolarlyq is-áreketi kórermendi súısindiredi.

Fılm aıasynda jańa jyldyq hıt ánder shyrqalyp, teatrlandyrlyǵan bı qoıylady. Jibektiń ata-anasy rólin Búrkit pen Aısha oınaıdy.

Belgili ánshi Tamara Asar — dáriger, Jiger Aýpbaev — ormanshy, Aıqyn men Juldyz — sportshylar, Ǵazızhan Shekerbekov — polıtsııa qyzmetkeri, Mádına Sádýaqasova — sıqyrshy syndy túrli keıipkerdi somdap, án shyrqaıdy.

Qarqyndy damıtyn kúlkili kınosıýjet, túrli obrazdaǵy juldyzdar keıpi umytylmas emotsııa syılamaq.

Túsirilim ný orman ishindegi úılerde túsirilgen.

Osylaısha kórermen ertegi álemine uqsas tamasha kóriniske kýá bolady.