JIBEK JOLY arnasy Parıj Olımpıadasynyń jabylý saltanatyn tikeleı efırden kórsetedi

ASTANA. KAZINFORM – Qazaqstandyqtar Parıj Olımpıadasynyń jabylý saltanatyn Jibek Joly arnasynan tikeleı efırde kóre alady. Іs-sharanyń baǵdarlamasyn uıymdastyrýshylar ázirge qupııa ustap otyr. 

2024 jylǵy Jazǵy olımpıada oıyndarynyń jabylý saltanaty tamyzdyń 11-inen 12-sine qaraǵan túni, Astana ýaqytymen saǵat 00.00-de bastalady. Al Jibek Joly arnasy ázirlegen tikeleı efır saǵat 22.30-da bastalady. Tikeleı kórsetilimniń júrgizýshileri — Dıdar Qadyrov pen Lılıana Áljanova.

Al Parıj tórinen arna tilshisi Kúnsaıa Qurmet pen kommentator Raýan Oqas qosylady. 

Telearna stýdııasyna Sıdneı Olımpıadasynyń kúmis júldegeri Islam Baıramýkov, Parıj olımpıadasynyń qatysýshysy, dzıýdoshy Ábıba Ábýjaqynova, Atlant Olımpıadasynyń chempıony, grek-rım kúresinen ulttyq quramanyń bas bapkeri ıÝrıı Melnıchenko shaqyrylyp otyr. 

Olımpıadanyń jabylý saltanaty Parıjdiń 80 myń adamǵa arnalǵan Stade de France stadıonynda ótedi. 

Eske salsaq, 26 shildede bastalǵan Parıj Olımpıadasynyń alǵashqy jarys kúninde Qazaqstannyń medal qorjynyna bir altyn medal túsken bolatyn. Odan keıingi kúnderde  sporttyń 25 túrinen synǵa túsken ózge 79 sportshynyń eshbiri Eldos Smetovtiń jetistigin qaıtalaı alǵan joq.

11 tamyzdyń tańyndaǵy kórsetkishter boıynsha Qazaqstan Ulttyq quramasy 1 altyn, 3 kúmis, 3 qola medalmen jalpy medalder kestesinde 41-orynda tur. 

Jalpy bul jahandyq dodaǵa dodaǵa álemniń 205 eldiń 10 500 sportshysy qatysyp, 32 sport túrinen 329 medal jıyntyǵyn sarapqa salyp jatyr.

Bıyl Olımpıada oıyndaryn eldegi telearna kórsetýge múmkindik alǵan. Sonyń ishinde Jibek Joly arnasy da bar.