JETI QAZYNA kollektsııalyq monetalary aınalymǵa shyǵady

Monetalar 100 teńgelik «uncirculated» sapamen nıbrass/neızılber qospasynan daıyndalǵan. Al, kollektsııalyq monetalar 500 teńgelik altynnan, 500 teńgelik kúmisten, 5 000 teńgelik nomınaly kúmisten daıyndalǵan.

200 teńgelik nomınal bir blısterlik jıyntyqta turatyn melhıor qospasynan daıyndalǵan jáne 100 teńgelik nomınal nıbrass/neızılber qospasynan daıyndalǵan, sapasy - «brilliant uncirculated».

Atalmysh monetalar «Dala qazynasy» serııasymen shyǵarylady. Naǵyz qazaqtyń basty jeti qazynasy bolǵan: er jigit, aqyldy, sulý áıel, qumaı tazy, aqyl-bilim, beren myltyq, júırik at jáne qyran búrkit. Aqyldy jar – otbasynyń berekesi, qumaı tazy – ań aýlaýdaǵy serigi, beren myltyqpen urysta sátsizdikke ushyramaıdy, júırik at pen qyran búrkit – jaýapty sátte kómekshi, al jan-jaqty bilim – dana sheshim qabyldaýǵa kómektesedi dep eseptelgen.

100 teńgelik bıkolorly aınalystaǵy monetalar 7 túrde berilgen - «ER JIGIT», «SULÝ ÁIEL», «QUMAI TAZY», «AQYL BILIM», «BEREN MYLTYQ», «JÚIRIK AT», «QYRAN BÚRKIT».

Bul monetalar aınalymǵa tek ekinshi deńgeıdegi bankter arqyly shyǵarylady. Keıin aınalymdaǵy ózge monetalarmen birge qolma-qol aqsha túrinde paıdalanylady.

Monetalardyń tehnıkalyq jáne naqty ólshemderi (massasy, dıametri, qalyńdyǵy, metall qorytpasy) ózgerissiz saqtalǵan. Tehnıkalyq sıpattamasy jaǵynan olar nomınaly 100 teńgelik monetaǵa uqsas. Sol sebepti «JETI QAZYNA» monetalaryn qabyldaý úshin tólem termınaldary men basqa da kassalyq tehnıkany qosymsha qaıta teńsheý talap etilmeıdi.

100 teńgelik nomınaldyń massasy – 6,45 g, dıametri – 24,5 mm. Ár túrinen 500 000 dana, jalpy taralymy – 3,5 mln dana.

Altynnan, kúmisten jáne melhıordan daıyndalǵan «JETI QAZYNA» kollektsııalyq monetalary barlyq jeti dala qazynasynyń kórkem beınesin bir monetada kórsetedi.

Blısterlik jıyntyq nomınaly 200 teńgelik «rroof-like» sapasymen melhıor qospasynan daıyndalǵan bir kollektsııalyq monetadan jáne nomınaly 100 teńgelik «brilliant uncirculated» sapasymen nıbrass/neızılber qospasynan daıyndalǵan jeti bıkolorly aınalystaǵy monetadan turady. Bul blısterlik jıyntyqtyń taralymy - 25 000 dana.

Kollektsııalyq monetalary:

500 teńgelik nomınal «proof» sapasymen 999/1000 synamaly altynnan turady, massasy 7,78 gramm, dıametri 25 mm, taralymy 1 000 dana;

5000 teńgelik nomınal «proof» sapasymen 925/1000 synamaly kúmisten turady, massasy 777,5 gramm, dıametri 100 mm, taralymy 250 dana;

500 teńgelik nomınal «proof» sapasymen 925/1000 synamaly kúmisten jasalǵan, , massasy 31,1 gramm, dıametri 38,61 mm, taralymy 3 000 dana;

200 teńgelik nomınal «rroof-like» sapasymen MN 25 melhıor qospasynan jasalǵan, massasy 15 gramm, dıametri 33 mm, taralymy 25 000 dana.

100 teńgelik nomınal «brilliant uncirculated» sapasymen nıbrass/neızılber qospasynan turady, massasy 6,45 gramm, dıametri 24,5 mm, ár túrinen 25 000 dana, jalpy taralymy 175 000 dana.

Altynnan jáne kúmisten daıyndalǵan monetalar kádesyılyq oramda shyǵarylady jáne Qazaqstan Ulttyq bankiniń nómirlik sapa sertıfıkatymen jabdyqtalǵan. «rroof-like» sapasymen melhıor qospasynan jáne «brilliant uncirculated» sapasymen nıbrass/neızılber qospasynan daıyndalǵan monetalar blısterlik jıyntyqta shyǵarylady.

Aınalymdaǵy kollektsııalyq jáne bıkolorly monetalar Qazaqstan teńge saraıynda jasalǵan.

Baǵaly metaldardan jasalǵan jáne blısterlik jıyntyqtardaǵy kollektsııalyq monetalardy satý kúni týraly aqparat saıtta jarııalanady. Bul monetalardy Ulttyq banktiń barlyq aýmaqtyq fılıaldarynan, sondaı-aq QUB ınternet-dúkeni arqyly satyp alýǵa bolady.