«Jeppesen Air Party» avıashoýyna QR Kólik jáne kommýnıkatsııa mınıstri qatysady
ALMATY. Shildeniń 19-y. QazAqparat /Erbol Azanbek/ - Shildeniń 24-i kúni Almaty oblysynyń Baqbaqty aýylynda «Jeppesen Air Party» avıashoýy ótedi, dep habarlaıdy QR Kólik jáne kommýnıkatsııa mınıstrliginiń baspasóz qyzmeti.
Sharaǵa QR kólik jáne kommýnıkatsııa mınıstri Ábilǵazy Qusaıynov qatysady. Avıashoý aıasynda mınıstrdiń qatysýymen kishi avıatsııany damytý máselesine arnalǵan dóńgelek ústel ótedi.
Atalǵan avıashoý ushý tehnıkalaryna arnalǵan elimizdegi eń iri shoý bolmaq. Oǵan jalpy quny 10 mıllıon eýrodan asatyn jeńil ushaqtar men tikushaqtardyń 20 danasy qatystyrylmaq. Uıymdastyrýshylardyń aıtýynsha sharany 2 myńǵa jýyq adam tamashalaıdy. Shara «Aeroprakt» avıakompanııasy men «Jeppesen Party», Chesnok.kz Event agenttiginiń uıymdastyrýymen ótedi.
