Jastar kerýeni: Qazaqstan jastary el aralap, áleýmettik máselelerge ún qospaq
NUR-SULTAN. QazAqparat – Elordadan «Jastar kerýeni» aýqymdy jobasy bastaldy. Joba aıasynda Qazaqstannyń túkpir-túkpiriniń jastary tórt kún boıy boıy respýblıkanyń kıeli oryndaryn aralaıdy, dep habarlaıdy QazAqparat tilshisi.
«Bul – Qazaqstan tarıhyndaǵy eń aýqymdy jobalardyń biri ári eń iri týrıstik joba dese de bolady. Jobanyń maqsaty – jastar arasynda ishki týrızmdi nasıhattaı otyryp, oblystar arasyndaǵy ıntegratsııany nyǵaıtý. Qazirgi tańda Qazaqstannyń jastary ashyq ári jigerli, jańashyldyqqa qumar. Mine, osy rette Qazaqstan jastary óz aýyldastarymen ǵana emes, túkpir-túkpirdegi qurdastarymen til tabysyp, dostassa deımiz. Jobany sol úshin jolǵa qoıdyq. Jastar tórt kún boıy Qazaqstannyń kıeli oryndaryn aralaý úshin jeti oblystan shyǵady. Ár topta 99 adamnan bolady», - dedi elordada jobanyń tanystyrylýy kezinde Qazaqstan jastary kongresiniń atqarýshy dırektory Toqtar Bolysov.
Jobany Aqparat jáne qoǵamdyq damý mınıstrligi jolǵa qoıǵan. ıAǵnı, aldaǵy aptada jeti júzge jýyq jas óren Aqmola, Qaraǵandy, Pavlodar, Batys Qazaqstan, Shyǵys Qazaqtan jáne Almaty oblysyn aralaıdy. Sondaı-aq, jastar Shymkent, Taraz jáne Túrkistan qalalaryna da baryp qaıtady.
«Bizben birge áıgili vaınerler, telejúrgizýshiler, qazaqstandyq estrada juldyzdary baryp, jastarmen birge júredi. Olar jastarmen bir avtobýsta nemese poıyzda el aralaıdy. Meniń oıymsha, jastar ózderiniń tabysty zamandastarymen kóbirek til tabysýǵa múmkindik alady», - dedi Toqtar Bolysov.
Jastar kongresiniń atqarýshy dırektory óz sózinde atap ótkendeı, «Jastar kerýeni» jobasynyń arqasynda birqatar áleýmettik máseleler de sheshimin tabady.
«Jastar el aralap qaıtyp kelgennen keıin olardan áleýmettik máselelerge qatysty usynystaryn jınasaq deımiz. Álbette, bir jerde ınfraqurylym bar, ekinshi jerde joq bolýy múmkin. Biraq, bizdiń jastar osynyń bári óz kózimen kórip, bizge óz oılaryn aıtyp berse deımiz. Jastardyń daýysyn tyńdaı otyryp, kerek jerde kásipkerlerdi nemese memlekettik organdardy ózekti máselelerdi sheshýge tarta alar edik», - dedi ol.
Jobaǵa qatysýǵa 1500 bala ótinish bergen. Arnaıy komıssııa olardyń ishinen 680-in tańdap alypty. Al keshke qaraı elordada jastar sleti ótip, oǵan 1700-ge tarta jas óren qatysqaly otyr.
