«Jas Otan Saѕeѕ»: Táýelsiz Qazaqstannyń qalyptasýyndaǵy Nursultan Nazarbaev róli talqylandy

NUR-SULTAN. QazAqparat – Nazarbaev ýnıversıtetinde «Nursultan Nazarbaevtyń kóshbasshylyq sabaqtary» taqyrybynda Jas Otan Saѕeѕ jastar sessııasy ótti, dep habarlaıdy QazAqparat.

QR Tuńǵysh Prezıdenti kúnine oraı uıymdastyrylǵan sharada táýelsiz Qazaqstannyń memleket bolyp qalyptasýyndaǵy Tuńǵysh Prezıdent róli jáne onyń saıası sheshimderi talqylandy. Sharaǵa joǵary oqý oryndarynyń stýdentteri, kolledj stýdentteri, jastar birlestikteriniń ókilderi, «Jas Otan» jastar qanatynyń belsendileri qatysty.

«Nursultan Nazarbaev, elimizdiń astanasyn kóshirgen uly tulǵa, qaıratker. Sebebi qıyn qystaý kezeńde, aýyr ekonomıkalyq jaǵdaıda ol elordany Almatydan Aqmolaǵa kóshirý týraly batyl sheshim qabyldady. Árıne, bul bastama úlken synǵa ushyrady. Biraq ýaqyt óte kele bul bastamanyń strategııalyq mańyzy bar ekeni dáleldendi. Búginde jańa Qazaqstan astanasynyń fenomeni búkil álemge tanymal. 20 jyl ishinde qala týrıster men ınvestorlardy tartatyn zamanaýı megapolıske aınaldy. Nursultan Nazarbaevtyń tarıhı eńbegi elimizdiń keıingi urpaqtaryna úlgi bolýy tıis», - dedi «Jas Otan» jastar qanatynyń tóraǵasy Dáýlet Káribek tilshilerge bergen suhbatynda.

Spıker retinde sessııaǵa qazaqstandyq ǵaryshker Aıdyn Aıymbetov, jas ǵalym, doktorant Ásııa Ermuhambetova, «Atameken» UKP tóraǵasynyń orynbasary Oljas Ordabaev keldi. Elbasy bastamalary árbir spıkerdiń qalyptasýyna jáne jeke ósýine yqpal etken.

«Elbasy shaǵyn jáne orta bıznes eldiń áleýetin arttyratyn, ekonomıkasynyń draıveri bolatyn qurylym retinde aıshyqtap oryn bólgen bolatyn. Osy oraıda Jastar jylynyń ashylý saltanatynda, Elbasy «Jas Kásipker», jastardy grantpen qoldaý sekildi birneshe bastama týraly aıtqan bolatyn. Osynyń bári Elbasynyń kásipkerlikke, ásirese jastar kásipkerligine degen erekshe qamqorlyǵy men senimi dep bilemin», - dedi «Atameken» UKP tóraǵasynyń orynbasary Oljas Ordabaev.

Buǵan deıin «Jas Otan» jastar qanaty «Qazaqstan Pikirsaıys Federatsııasy» respýblıkalyq qoǵamdyq birlestigin iske qosqan edi.