«Jas Otan» ókilderi dárigerler men kommýnaldyq qyzmetkerlerdi quttyqtady

NUR-SULTAN. QazAqparat – «Jas Otan» jastar qanatynyń belsendileri elordada názik jandardy Halyqaralyq áıelder kúnimen quttyqtady, dep habarlaıdy QazAqparat.

Merekelik aktsııa aıasynda jasotandyqtar kommýnaldyq qyzmetkerler men dárigerlerge kún saıynǵy eńbegi úshin alǵys aıtty.

«Sońǵy oqıǵalarǵa baılanysty kommýnaldyq qyzmettegi názik jandar men dárigerler kúrdeli jaǵdaıda jumys istep júr. Kúndelikti eńbegimen dárigerler adamdardyń ómirin qutqarýda. Al kommýnaldyq qyzmetkerler aýa raıyna qaramastan erlermen bir qatarda elorda kóshelerin qardan tazartyp, qalamyzdyń kelbetin kórkeıtip júr. Sondyqtan jasotandyqtarmen birge olarǵa alǵys aıtyp, merekemen quttyqtaýdy jón kórdik», - deıdi «Jas Otan» JQ atqarýshy hatshysy Janat Chýkeev.

Naýqan aıasynda kóktem men merekeniń belgisi retinde qyzǵaldaqtar men táttiler taratyldy.

Shara sońynda jastar qala turǵyndary men qonaqtaryn quttyqtap, qyzǵaldaqtar syılady.