«Jas Otan» balalardyń armanyn oryndaıtyn qaıyrymdylyq aktsııasyn bastady
Naýqannyń basty maqsaty – ata-ana qamqorlyǵynsyz qalǵan, aýyr naýqasy men múgedektigi bar «Nurly júrek» mekemesiniń 117 búldirshinine merekelik kóńil kúı syılaý. Bul úshin turǵyndar Arman aǵashyna ilingen balalardyn tilegin oryndap, qalaǵan syılyǵyn alyp kelýi tıis.
«Biz búgin barlyq óńirde «Arman aǵashy» qaıyrymdylyq aktsııasyn bastaımyz. Onyń aıasynda biz ata-ana qamqorlyǵynsyz qalǵan, erekshe qajettiligi bar balalarǵa jylýlyq pen súıispenshilik syılaǵymyz keledi. Aldyn ala ortalyq ókilderimen kezdesip, balalardyń qandaı syılyq alǵysy keletinin jazyp aldyq. Jeke ózim balalardyń armany mindetti túrde oryndalýy tıis dep oılaımyn. Olardyń armanyn júzege asyrý arqyly shabyt syılaımyz», - dedi «Jas Otan» jastar qanatynyń tóraǵasy Dáýlet Káribek.
Qaıyrymdylyq naýqany bir aıǵa sozylady. Aktsııa sonyńda barlyq jınalǵan syılyqtar búldirshinderge saltanatty túrde teatrlandyrylǵan qoıylymmen tartý etiledi.
