Japan Airlines kompanııasyn alǵash ret áıel basqaratyn boldy
ASTANA. KAZINFORM - Japan Airlines alǵash ret prezıdenttik qyzmetke áıeldi taǵaıyndady. Bul álemdegi eń iri áýe tasymaldaýshylarynyń biri úshin kútpegen qadam boldy, dep jazdy VVS.
Mıtsýko Tottorı 1985 jyly kompanııada stıýardessa bolyp jumys isteı bastasa, sońǵy onjyldyqtarda joǵary qyzmetterge kóterilgen.
Óziniń aıtýynsha, ol atqaratyn joǵary laýazym basqa áıelderdi mansaptyq ósýge shabyttandyrýy kerek.
Mıtsýko Tottorı 1 sáýirde ıÝdzı Akasakanyń ornyn basady. Aksaka endi kompanııadaǵy eń joǵary laýazym – dırektorlar keńesiniń tóraǵasy qyzmetin atqarady.
Basshylyqtyń aýysýy Tokıonyń Haneda áýejaıynda Airbus A350 ushaǵynyń jaǵalaýdaǵy kúzet ushaǵymen soqtyǵysqan oqıǵadan eki apta ótken soń boldy.
Oqıǵadaǵy A350 ushaǵynyń barlyq 379 jolaýshysy men ekıpaj músheleri sátti evakýatsııalandy. Basqa ushaqta bes adam qaza tapty.
Tottorı kompanııa prezıdenti retinde árqashan qaýipsizdikti birinshi orynǵa qoıatynyn atap ótti.
