Japan Airlines áýe kompanııaǵa kıbershabýyl jasalǵanyn habarlady

ASTANA. KAZINFORM – Japan Airlines áýe kompanııasy ushý jumystaryna áser etýi múmkin kıbershabýylǵa ushyrady, dep habarlaıdy Kazinform VVS-ge silteme jasap. 

- Biz kıbershabýylǵa ushyraǵanymyzdy jáne qazir jaǵdaıdy zerttep jatqanymyzdy rastaı alamyz. Reısterdiń keshigýi jáne toqtatylýy múmkin, - dep málimdedi JAL ókili AFP-ǵa.

Onyń aıtýynsha, tasymaldaýshy ázirge tolyǵyraq aqparatty usyna almaıdy.

Kyodo málimetinshe, buzylý qazirdiń ózinde toǵyz ishki jáne birneshe halyqaralyq reıstiń keshigýine ákeldi. JAL sondaı-aq bıletter satylymyn ýaqytsha toqtatýdy josparlap otyr.

Japan Airlines — Japonııada úlkendigi boıynsha All Nippon Airways-ten (ANA) keıin ekinshi orynda turǵan áýe kompanııasy.

Qańtar-qarasha aralyǵynda Japonııaǵa 33 mln sheteldik týrıst kelgenin jazǵan bolatynbyz.