Janoubia: Lıvanda ushqyshsyz ushatyn apparattyń shabýylynan «Hezbolla» komandıri mert boldy

ASTANA. KAZINFORM – Izraıl áskerı áýe kúshteriniń ushqyshsyz ushatyn apparaty seısenbi kúni keshkisin sheıitterdiń «Hezbolla» uıymynyń komandıri Kasem Garabty óltirdi. Apparat Lıvannyń shyǵysynda Kasem Garabtyń kóligine shabýyldaǵan.

Bul týral Janoubia jańalyqtar portaly jazdy, dep habarlaıdy reseılik TASS.

Aqparatta oqıǵanyń Brıtel – Baalbek tasjolynda bolǵany aıtylady. Ushqyshsyz ushatyn apparat jerdegi nysanǵa úsh zymyran jibergen. Mert bolǵan komandır «Vahda-1900» atty dversııalyq bólimsheni basqarǵan.

4 tamyz kúni Lıvannyń ońtústigindegi El-Hııam qalasynda sheıitterdiń jasaǵynyń taǵy bir komandıri Álı Ábý Abbas óltirilgen bolatyn. Soqqy zymyrandar men ushqyshsyz ushatyn apparattar ornalasqan qoımaǵa jasalǵan. Oqıǵa saldarynan úsh adam zardap shekti.

Densaýlyq saqtaý mınıstrliginiń málimetinshe, 31 shilde kúni Izraıl shabýyldary saldarynan 4 lıvandyq mert boldy. Olardyń barlyǵy da «Hezbolla» múshelerin bolǵan.

Mınıstrlik málimetterinshe, 2024 jyldyń qarashasyndaǵy atysty toqtatý týraly kelisimge qaramastan Izraıl jyl basynan beri Lıvan aımaǵyna 4 myńnan astam shabýyl jasaǵan. Shabýyldar saldarynan 228 adam mert bolyp, 496-sy jaraqat aldy. Bılik ókilderi mert bolǵandardyń arasynda qansha beıbit turǵyn bar jáne olardyń qanshasy sheıit ókilderi ekenin naqtylamady.

Osyǵan deıin Netanıahýdyń Gaza sektoryn tolyq basyp alýdy kózdep otyrǵany týraly jazdyq.