JAMBYL 175 JYL kollektsııalyq monetalary satylymǵa shyǵady

ASTANA. QazAqparat – 17 qarashadan bastap «Este qalatyn oqıǵalar men birtýar adamdar» serııasynan «JAMBYL. 175 JYL» kollektsııalyq monetalary satylymǵa shyǵady. Bul týraly QazAqparat Qazaqstan Ulttyq bankine silteme jasap habarlaıdy.

Atalǵan kollektsııalyq monetalar MN 25 melhıor qospasynan jasalǵan, nomınaly – 100 teńge, massasy – 15 gramm, dıametri – 33 mm, daıyndaý sapasy – brilliant uncirculated, taralymy – 15 000 dana.

Moneta aversiniń ortalyq bóliginde Qazaqstan Respýblıkasynyń eltańbasy beınelengen. Eltańbanyń sol jáne oń jaǵynda ulttyq oıý-órnek elementteri bar. Jıegi «QAZAQSTAN ULTTYQ BANKI • NATIONAL BANK OF KAZAKHSTAN» degen jazýmen aınaldyra kómkerilgen. Tómengi jaǵynda monetanyń nomınalyn bildiretin «100 TEŃGE» jazýy bar.

Monetanyń reversinde Jambyl Jabaevtyń portrettik beınesi kórinis tapqan, orta tusynda aqynnyń «Artyqsha týǵan azamat» óleńiniń joldaryn oqýǵa bolady. Jıeginde «JAMBYL» jáne «QAZAQ HALYQ AQYNY» jazýlary aınaldyra basylǵan.

«JAMBYL. 175 JYL» kollektsııalyq monetalary belgilengen qunyna saı Qazaqstan Respýblıkasynyń búkil aýmaǵynda barlyq tólem túri boıynsha, sondaı-aq bank shottaryna esepteý úshin jáne Qazaqstannyń barlyq bankterinde aýdarý, usaqtaý jáne aıyrbastaý úshin qabyldanýǵa mindetti.

Kollektsııalyq monetalar Qazaqstan teńge saraıynda daıyndaldy, http://kazcoins.nationalbank.kz platformasynda QUB-tyń ınternet-dúkeni arqyly satylady.

Foto: nationalbank.kz