«Jańa Dala / Green Day ‘2025» mamandandyrylǵan kórme-kórsetilimi ótedi
ASTANA. KAZINFORM — Dala kúni formatyndaǵy dástúrli agrarlyq forým 2013 jyldan beri ótkizilip keledi jáne elimizdegi aýyl sharýashylyǵy óndirisiniń zamanaýı tehnologııalary, joǵary ónimdi tehnıkasy men ınnovatsııalyq ázirlemeleri tanystyrylatyn eń aýqymdy demonstratsııalyq alań.
Bıylǵy aýqymdy shara 17–18 shilde kúnderi Aqmola oblysyndaǵy «Aqtyq» AQ demonstratsııalyq alqaptarynda ótedi.
«Jańa Dala / Green Day ‘2025» alańynda jaqyn jáne alys shetelden 20-dan astam eldiń 200-den asa kompanııasy, sondaı-aq aýyl sharýashylyǵy men agrobıznes salasynyń 5 myńnan astam kásibı ókili jınalady dep kútilýde. Qazaqstan men álem aýyl sharýashylyǵy salasyndaǵy eń ózekti jáne keleshegi zor baǵyttar «Aýyl sharýashylyǵy tehnıkasy men jabdyqtary», «Egin sharýashylyǵy», «Mal sharýashylyǵy», «Tıimdi gektar» sektsııalary arqyly tanystyrylady.
— Kórme aıasynda 500-den astam aýyl sharýashylyǵy tehnıkasy men keń qoldanylatyn joǵary tehnologııaly jabdyq túrleriniń tanystyrylymy men kórsetilimi josparlanǵan. Sonymen qatar, is-shara baǵdarlamasynda mal sharýashylyǵy, genetıka men selektsııa, veterınarııa, agronomııa, agrohımııa jáne organıkalyq eginshilik salalaryndaǵy jetistikter men zamanaýı jańalyqtar usynylady, — delingen AShM habarlamasynda.
Kórmede jahandyq agroóndiristegi jańa úrdister de kórsetiledi. Olardyń qatarynda aýyl sharýashylyǵy daqyldaryn ósirýdegi tsıfrlyq tehnologııalar, ósimdikterdi bıologııalyq ádispen qorǵaý, sút fermalaryn robottandyrý, topyraqty taldaýǵa arnalǵan sensorlyq tehnologııalar, agrodrondardy paıdalanýdyń keńeıýi, fermerlerge arnalǵan zamanaýı jol talǵamaıtyn kólikter men pıkaptar bar.
Mazmundy iskerlik baǵdarlamamen qatar, tehnıka men tehnologııalar kórmesi aıasynda «Jańa Dala / Green Day ‘2025» óz qonaqtaryn ǵylymı-tájirıbelik mazmunmen jáne qyzyqty shoý-baǵdarlamalarmen qýantpaq. Olardyń ishinde et baǵytyndaǵy iri qara mal tuqymdary arasyndaǵy Ulttyq baıqaý — «Jańa Dala / Green Day ‘2025»-tiń «Úzdik buqasy», Black Angus, Qazaq Aqbas, QALMAQ Meat ókilderiniń qatysýymen ótetin sheberlik sabaqtary men konkýrstar, aýyl sharýashylyǵy janýarlary kórmesi jáne basqa da sharalar bar.
Sonymen qatar, Qazaqstan veterınarııalyq mamandarynyń alǵashqy Quryltaıyn ótkizý josparlanyp otyr.
«Jańa Dala / Green Day ‘2025» mamandandyrylǵan kórme-kórsetiliminiń uıymdastyrýshysy — elimizdegi agroónerkásiptik keshen boıynsha halyqaralyq kórmeler uıymdastyrýda jetekshi oryn alatyn qazaqstandyq «EXPO TIME» kompanııasy.
Aıta ketelik maldyń jaı-kúıin anyqtaıtyn smart sheshim oılap tabylǵany týraly jazǵan edik.