«Izraılmen baılanysy bar»: Hýsıtter BUU qyzmetkerlerin aıyptady
ASTANA. KAZINFORM — Iemende ustalǵan BUU-nyń jergilikti qyzmetkerleri 2025 jyldyń tamyzynda Izraıldiń áýe shabýylyna qatysy bar degen kúdikpen sotqa tartylady, dep habarlaıdy Reuters.
Bul týraly agenttikke hýsıtter qurǵan úkimettegi Syrtqy ister mınıstriniń mindetin atqarýshy Abdel Vahıd Ábý Ras habarlady.
— Qaýipsizdik qyzmetteri qabyldaǵan is-áreketter tolyq sot baqylaýymen júzege asyryldy. Prokýratýra árbir qadam týraly habardar boldy, — dedi ol.
Onyń aıtýynsha, bul protsess sot sheshiminen keıin túbegeıli sheshiletin bolady.
Iemendik hýsıtter 18 qazanda Iemen astanasynyń eki aýdanynda BUU-nyń 20 qyzmetkerin tutqynǵa alǵan bolatyn. Kóterilisshiler mekemedegi barlyq baılanys quraldaryn, sonyń ishinde telefondardy, serverlerdi jáne kompıýterlerdi tartyp alǵan.
Hýsıtter birneshe ret dálelsiz tutqyndaǵan BUU qyzmetkerleri, basqa da halyqaralyq uıymdarmen jáne sheteldik elshiliktermen jumys isteıtin tulǵalardy tyńshylar dep málimdedi. BUU bul aıyptaýlardy úzildi-kesildi joqqa shyǵardy.