Izraılge Gazada kepilde bolǵan taǵy bir adamnyń denesiniń bólikteri tapsyryldy

ASTANA. KAZINFORM - Izraıl áskerıleri Gaza sektorynda boljam boıynsha kepilge alynǵan adamnyń denesiniń bólshekteri salynǵan taǵy bir tabytty aldy. Bul týraly Izraıl Qorǵanys armııasy (TsAHAL) habarlady dep málim etti reseılik TASS.

TsAHAL málimdemesinde jaqyn arada sarbazdar Gazadan jetkizilgen tabyttyń Izraıl aımaǵyna jetkiziletinin málimdedi. Onda máıittiń kimge tıesili eken tekseriledi. 
Buǵan deıin Izraıl jaqynda HAMAS jibergen adam denesiniń bólshekteriniń Gaza sektorynda qalǵan eki adammen eshqandaı baılanysy joq ekenin málimdedi.

Aıta keteıik, 9 qazan kúni Izraıl men palestınalyq HAMAS qozǵalysy. Mysyr, Qatar, AQSh pen Túrkııanyń araǵaıyndyǵymen AQSh prezıdenti Donald Tramptyń beıbit kelisiminiń birinshi kezeńin júzege asyratyn bolyp kelisti. Atysty toqtatý rejımi 10 qazan kúni kúshine endi. HAMAS 13 qazan kúni kepilge alynǵan 20 tiri adamdy bosatyp, urlanǵan 4 adamnyń denesiniń bólshekterin berdi. Izraıl tarapy radıkaldardyń 28 máıittiń tek tórteýin ǵana bergenine narazy boldy. 

Osyǵan deıin Izraıl tarapynan Sırııanyń ońtústigine jasalǵan operatsııadan 10-nan astam adam qaza tapqany týraly jazdyq.