Izraıldyq ınvestorlar Túrkistan oblysynyń aýyl sharýashylyǵyn damytýǵa úles qospaq

TÚRKІSTAN. QazAqparat - Tálim egistikte sýdy qajet etpeıtin baqsha daqylyn egý máselesi boıynsha Túrkistan oblysynyń ákimi Ómirzaq Shókeev ızraıldyq ınvestorlarmen jáne «BS-Agro Produst» JShS ókilderimen kezdesti, de habarlaıdy QazAqparat óńir basshysynyń baspasóz qyzmetine silteme jasap.

Oblys ákimi qazaqstandyq «BS-Agro Produst» kompanııasynyń basshylarymen jáne Izraıl elinen kelgen ınvestorlarmen, sondaı-aq aýyl sharýashylyǵy salasynyń mamandarymen óńirdegi aýyl sharýashylyǵy salasyn damytý jáne áriptestik tanytý jaıyn talqylady.

Ó. Shókeev sýdy qajet etpeıtin baqsha daqylyn egýdi Ordabasy aýdany, Toqsansaı aýylynda júzege asyrý tıimdi de qolaıly ekendigin atap ótti. Sheteldik ınvestorlar bul salada óz úlesterin qosatyndyqtaryn, áriptestik tanytýǵa daıyn ekendikterin jetkizdi.

Búginde «BS-Agro Produst» JShS 130 gektar jerge jańa tehnologııamen sýǵarýsyz ádisi arqyly qarbyz egýde. Olar bul jobasyn 2020 jyly qosymsha 700 gektar jerde iske asyrýdy kózdep otyr. Sharýa qojalyǵy sonymen qatar qarbyz, gúl, júgeri, noqat egýmen de aınalysady. Kásiporyn 2013 jyldyń qarasha aıynda iske qurylǵan. Bıyl olar 130 gektar jerge qarbyz ekken, endi jalpy kólemi 40 tonna qarbyz dánin jınap alýdy josparlap otyr. Dál osy tásilmen egilgen qarbyzdyń dáni sheteldik kosmetologııa salasynda úlken suranysqa ıe.