Izraıldiń Iemenge jasaǵan soqqylarynan 16 BAQ ókili mert boldy – hýsıtter
ASTANA. KAZINFORM – Iemenniń hýsıtter toby jeksenbi kúni Izraıldiń Iemen astanasy Sanaǵa sársenbi kúni jasaǵan soqqylarynan mert bolǵan 46 adamnyń arasynda 26 buqaralyq aqparat quralynyń ókili bolǵanyn málimdedi, dep habarlaıdy Sınhýa.
Málimdemede soqqy saldarynan eki basylymnyń keńsesi qıraǵany aıtylǵan. Sondaı-aq málimdemede ol soqqynyń BAQ qyzmetin álsirete almaıtyny málimdeldi.
Hýsıtterdiń baqylaýyndaǵy densaýlyq saqtaý organdary áıelder men balalardy qosa alǵanda 165 adamnyń jaraqat alǵanyn habarlady. Hýsıtter basqaratyn «Al-Masıra» telearnasy qıraǵan turǵyn úıler men qutqarýshylar arshyp jatqan úıyndilerdiń vıdeosyn jarııalady.
Izraıl áskerleri áskerı lagerler men hýsıtterdiń qoǵammen baılanys jónindegi shtab-páterine soqqy jasaǵanyn jáne buny top tarapynan ushqyshsyz ushatyn apparttar men zymyrandardy qoldanyp jasaǵan soqqylaryna jaýap bolǵanyn jetkizdi.
Ótken aptada keńsesi qıraǵan baskóterýshilerdiń áskerı qurylymdarynyń resmı ókili ıAhıa Sarıa Izraıl tarapynan jasalǵan soqqylardyń jaýapsyz qalmaıtynyn aıtty.
Iemenniń soltústiginiń basym bóligin baqylaıtyn hýsıtter Izraılge shabýyldy jalǵastyra beretinin jáne Gazadaǵy soǵys pen blokadany toqtatýǵa kúsh salýǵa ýáde etti.
Osyǵan deıin Qatar astanasynda jarylys bolǵany týraly jazdyq.
Saldarynan Qatardyń ishki qaýipsizdik kúshteriniń qyzmetkeri qaza tapty.
Izraıl Doha shabýyly úshin jaýapkershilikti tolyq óz moınyna aldy.
Prezıdent Dohada Izraıl bıligi jasaǵan áskerı aktsııany aıyptaıdy.