Izraıldiń Iemenge soqqysynan qaza bolǵandar sany 46-ǵa jetti

ASTANA. KAZINFORM – Iemende Izraıl soqqysynan qurban bollǵandar sany 10 qyrkúıekte 46 adamǵa jetti, 165 adam jaraqat aldy. Bul týraly hýsıtterdiń baqylaýyndaǵy SABA agenttiginen málim boldy, dep habarlaıdy Anadoly.

Agenttik taratqan derekterge qaraǵanda, Sana men Djaýf provıntsııasyna jasalǵan shabýyldar saldarynan mert bolǵandar arasynda 5 bala men 11 áıel bar. Zardap shekkenderdiń ishinde 31 náreste jáne 29 áıel bar.

Osyǵan deıin Izraıldiń Iemen astanasy Sanaǵa jáne Djaýf provıntsııasyndaǵy qalaǵa jasaǵan soqqysynan 35 adam mert bolyp, 131-i jaraqat alǵany habarlanǵan bolatyn.

Aıta keteıik, buǵan deıin Izraıldiń Iemendegi hýsıtterdiń mańyzdy nysandaryna soqqy jasaǵany týraly jazdyq.