Izraıldiń SІM Irandaǵy narazylyqty qoldaıtynyn málimdedi
ASTANA. KAZINFORM — Izraıldiń resmı akkaýnttaryndaǵy belsendilik pen mınıstrlerdiń málimdemeleri Iranda jalǵasyp jatqan jappaı narazylyqtar aıasynda kópshiliktiń nazaryn aýdardy, dep habarlaıdy Kazinform agenttiginiń menshikti tilshisi.
Izraıldiń Syrtqy ister mınıstrligi X áleýmettik jelisindegi parsy tilindegi paraqshasynda Irandaǵy narazylyq aktsııalaryn qoldaıtyny týraly jazba jarııalady. Bul týraly The Times of Israel basylymy habarlady.
Jazbada 1979 jylǵy ıslam revolıýtsııasyna deıin Iran týynda qoldanylǵan arystan men kún beınelengen ıllıýstratsııa berilgen. Arystannyń tabany qumsaǵatqa tirelip tur, al onyń tómengi bóliginde qazirgi Iran týynyń belgisi salynǵan.
خیزش شیرمردان و شیرزنان ایرانی برای نبرد با تاریکی.
— اسرائیل به فارسی (@IsraelPersian) January 1, 2026
نور بر تاریکی پیروز است. pic.twitter.com/oyz4qpHdpf
— Qarańǵylyqqa qarsy kóterilgen ırandyq arystandar men arystandaı batyr áıelder. Jaryq qarańǵylyqty túbinde jeńedi, — dep jazylǵan sýret astyndaǵy mátinde.
Sol akkaýnttaǵy taǵy bir jazbada narazylyq bildirýshilerdiń ortasynda abdyrap qalǵan Iran basshylyǵy beınelengen sýret jarııalanǵan. Sýrettegi jazbada: «Olar Izraılge arnap belgilegen kúıreý ýaqyty endi ózderine keldi», — dep jazylǵan.
خیزش شیرمردان و شیرزنان ایرانی برای نبرد با تاریکی.
— اسرائیل به فارسی (@IsraelPersian) January 1, 2026
نور بر تاریکی پیروز است. pic.twitter.com/oyz4qpHdpf
Izraıldiń ǵylym jáne tehnologııa mınıstri Gıla Gamlıel de narazylyqtardy qoldap vıdeoúndeý jasady. Ol Iranda bolyp jatqan jaǵdaıdy bıliktiń álsireýiniń belgisi dep baǵalady.
— Áıelder men erlerdiń, jastar men stýdentterdiń, analar men ákelerdiń narazylyǵy oryndy. Rejım kún ótken saıyn álsirep keledi, bul — onyń sońǵy sátteri, — dedi ol.
Buǵan deıin Gamlıel «Make Iran great again» degen jazýy bar bas kıimmen túsken sýretin jarııalap, jazbada Irannyń burynǵy shahynyń ulyn — qazirgi bılikti synǵa alyp júrgen tulǵany belgilegen.
خیزش شیرمردان و شیرزنان ایرانی برای نبرد با تاریکی.
— اسرائیل به فارسی (@IsraelPersian) January 1, 2026
نور بر تاریکی پیروز است. pic.twitter.com/oyz4qpHdpf
Osyǵan uqsas málimdeme Izraıldiń dıaspora isteri jónindegi mınıstri Amıhaı Chıklıden de tústi. Ol arystan men kún beınelengen týmen ótken sherýdiń sýretin jarııalap, ıran halqyna qoldaý bildirdi.
Iranda ekonomıkalyq narazylyq birneshe kúnnen beri jalǵasyp keledi. Olar negizinen ulttyq valıýtanyń kúrt qunsyzdanýy men baǵanyń ósýine baılanysty týyndaǵan. El bıligi dıalogqa daıyn ekenin aıtqanymen, syrtqy qysym men ishki isterge aralasýǵa jol berilmeıtinin atap ótti. Jergilikti derekkózderdiń málimetinshe, sońǵy qaqtyǵystar kezinde keminde birneshe adam qaza tapqan.
Sonymen qatar Irannyń resmı tulǵalary eldegi ekonomıkalyq narazylyqtar aıasynda AQSh-qa qatań eskertý jasap, kez kelgen syrtqy aralasý ulttyq qaýipsizdikke tóngen qater retinde qabyldanatynyn málimdedi.