Izraıldiń ońtústik aýdandarynda tótenshe jaǵdaı rejımi alyndy
ASTANA. KAZINFORM — 2023 jylǵy 7 qazanda «Al-Aksa sý tasqyny» operatsııasynan keıin Izraıldiń ońtústiginde engizilgen tótenshe jaǵdaı rejımi erteń, 28 qazanda kúshin joıady, dep habarlaıdy Anadoly.
Jarııalanǵan málimdemede Izraıldiń qorǵanys mınıstri Israel Kats 7 qazanda engizilgen tótenshe jaǵdaı rejımin toqtatý týraly sheshim qabyldaǵany aıtylǵan.
Belgilengendeı, bul sheshim Izraıl armııasynyń usynysy boıynsha qabyldanǵan.
«Al-Aksa sý tasqyny» operatsııasy bastalǵannan keıin tótenshe jaǵdaı rejımi Izraıldiń ońtústiginde eki jyldan astam ýaqyt boıy saqtaldy.
Izraıl áskeri 2023 jylǵy 8 qazanda Gaza sektoryna iri aýqymdy áýe shabýyldaryn bastaǵan edi.
Bul eki jyldan astam ýaqytqa sozylǵan shabýyl saldarynan 67 myńnan astam palestındik qaza taýyp, 170 myńnan astam adam jaralanǵan.
Aıta ketelik Izraıl armııasy Batys Sherııada 21 palestınalyqty ustady.