Izraıldiń maqsaty Gaza sektoryn basyp alý emes – Bınıamın Netanıahý
Búgin Halyqaralyq qylmystyq sotta Ońtústik Afrıkanyń Izraıl áreketin Palestına halqyna jasaǵan genotsıd dep taný týraly talaby qaralady. Ońtústik Afrıka Respýblıkasynyń talaby boıynsha sot protsesi bastalmas buryn Izraıl premer-mınıstri Bınıamın Netanıahý sóz sóıledi, dep habarlaıdy Kazinform DW saıtyna silteme jasap.
Bınıamın Netanıahý Izraıl Gaza sektoryn basyp alýdy nemese beıbit turǵyndardy qýyp shyǵýdy kózdemeıtinin aıtty.
- Izraıl Palestına halqymen emes, HAMAS sodyrlarymen kúresip jatyr jáne bunyń bári halyqaralyq quqyq erejelerine sáıkes iske asyrylýda, - dedi Netanıahý keshe keshke jasaǵan málimdemesinde.
Onyń aıtýynsha, Izraıl qorǵanys kúshteri (TsAHAL) Gaza sektorynyń beıbit turǵyndaryna keletin shyǵyndy barynsha azaıtý úshin qoldan kelgenniń bárin jasap jatyr, al HAMAS óz kezeginde beıbit turǵyndardy tiri qorǵan retinde paıdalaný úshin baryn salýda. Atap aıtqanda, Izraıl áskerıleri beıbit turǵyndarǵa urys aımaqtaryn tastap ketý qajettiligi týraly únemi eskertý jasaıdy.
- Bizdiń maqsatymyz – Gaza sektoryndaǵy HAMAS sodyrlanyń kózin qurtý jáne kepilge alynǵandardy bosatý. Osyǵan qol jetkizilgen kezde Gaza sektory qarýsyzdandyrylyp, radıkaldardan bosatylady, - dedi Izraıl premeri.
Watch: PM Benjamin #Netanyahu says, “Israel has no intention of permanently occupying Gaza or displacing its civilian population.”
— Al Arabiya English (@AlArabiya_Eng) January 11, 2024
Read more: https://t.co/OAKoeunpQn pic.twitter.com/XUtsM4zpBV
Onyń aıtýynsha, bul ızraıldikter men palestınalyqtar úshin jarqyn bolashaqqa bastaıtyn áreket.
Esterińizge sala keteıik, jeltoqsan aıynyń sońynda OAR Gaza sektoryndaǵy jaǵdaıǵa baılanysty Gaagadaǵy halyqaralyq sotqa genotsıd konventsııasyna sáıkes Izraılge qarsy shaǵym túsirip, sotty Izraılge qarsy ýaqytsha shara qoldanýǵa shaqyrǵan bolatyn.
Qarasha aıynyń basynda OAR úkimeti Izraıl áseriniń Gaza sektorynda jalǵasyp jatqan áskerı operatsııasyna baılanysty konsýltatsııalaryna sáıkes Izraılden dıplomattaryn qaıtarý týraly sheshim shyǵardy.
