Izraıldiń Lıvanǵa jasaǵan áýe soqqysynan 72 adam qaza tapty
ASTANA. KAZINFORM — Sońǵy kúnderi Izraıldiń Lıvan aýmaǵyna jasaǵan soqqylary saldarynan 72 adam qaza tapty. Bul týraly Lıvan bıligi málimdedi. 80 myńnan astam adam úılerin tastap ketýge májbúr bolǵan, dep jazdy BBC.
Izraıldiń Lıvandaǵy operatsııalary dúısenbi kúni «Hezbolla» qozǵalysynyń Izraılge jasaǵan soqqylarynan keıin bastalǵan. «Hezbolla» shabýyldyń nysanasy Haıfanyń ońtústigindegi Izraıldiń áýe qorǵanys júıesi bolǵanyn málimdedi. Sondaı-aq olar bul áreketti Irannyń joǵarǵy rýhanı kósemi Ali Khamenei-diń óltirilýine kek qaıtarý jáne «Izraıldiń birneshe márte jasaǵan agressııalyq áreketterine» jaýap dep ataǵan.
Bul — 2024 jyldan beri Lıvan astanasynyń mańyna jasalǵan eń aýqymdy ızraıldik shabýyl.
Seısenbi kúni tańerteń Izraıl–Lıvan shekarasyndaǵy jaǵdaı kúrt shıelenise tústi. Lıvandyq BAQ málimetinshe, Beırýt qalasynyń ońtústigindegi Dahııa aýdanyna keminde eki áýe soqqysy jasalǵan. Atalǵan aýdan Iran qoldaıtyn «Hezbolla» tobynyń negizgi tiregi sanalady.
