Izraıldiń Qorǵanys mınıstri kepildegi adamdar bosatylǵannan keıin ne isteıtinin aıtty
ASTANA. KAZINFORM - Kepildegi adamdar bosatylǵan soń Izraıl úshin basty mańyzdy másele HAMAS-tyń Gaza sektoryndaǵy týnnelderin joıý bolmaq.
Armenpress-tiń habarlaýynsha, bul týraly óziniń H paraqshasyndaǵy mıkroblogynda Izrıaldiń Qorǵanys mınıstri Israel Kats málimdedi.
Bul rette ol bul sharanyń Gazany qarýdan tazartyp, HAMAS-ty qaýipsizdendirý baǵytynda kelisilgen ustanymnyń basty maqsaty ekenin atap ótti.
- Kepildegi adamdar bosatylǵan soń Izraıldiń basty maqsaty HAMAS-tyń Gaza sektoryndaǵy barlyq terrorıstik týnnelderin joıý bolady. Bul is TsAHAL-dyń jáne AQSh-tyń jetekshiligimen jáne baqylaýymen qurylatyn halyqaralyq tetiktiń kómegimen júzege asyrylady, - dep jazdy Kats óziniń qarýly kúshterge osy mıssııaǵa daıyn bolýdy tapsyrǵanyn qosa otyryp.
Osyǵan deıin HAMAS-tyń 13 qazanda ızraıldik kepilge alynǵandardy bosatatyny týraly jazdyq.