Izraıldiń Gazaǵa jasaǵan tańǵy shabýylynda 39 palestınalyq qaza tapty

ASTANA. KAZINFORM — Izraıl armııasynyń qorshaýdaǵy Gaza sektorynyń ártúrli aımaqtaryna jasaǵan tańǵy shabýylynda 39 adam qaza tapty, olardyń arasynda gýmanıtarlyq kómek kútken 15 palestınalyq bar, dep habarlaıdy Anadoly agenttigi.

Shabýyldyń negizgi nysanasy kómek kútken beıbit turǵyndar men ishki kóship-qoný boldy.

Medıtsınalyq aqparat kózderi men kýágerlerdiń aıtýynsha, Izraıl kúshteri Gaza qalasynyń ońtústigindegi Han-ıÝnıstiń Ál-Mevası aýdanyndaǵy bir úıge shabýyl jasap, eki palestınalyqty óltirdi.

Han-ıÝnıstegi qonys aýdarǵan palestınalyqtarǵa tıesili 3 shatyrdyń bombalanýy nátıjesinde 12 adam qaza tapty.

Sonymen qatar, Izraıl kúshteri Han-ıÝnıs ortalyǵynda palestınalyqtarǵa shabýyl jasap, 3 adam qaza tapty, qalanyń ártúrli bólikterindegi úıindilerden taǵy eki palestınalyqtyń máıiti tabyldy.

Gazanyń ortalyǵyndaǵy Salah-ad-dın dańǵylynda Izraıl armııasy azyq-túlik izdep gýmanıtarlyq beketterge bara jatqan palestınalyqtarǵa oq jaýdyryp, 10 adam qaza taýyp, 50-den astam adam jaralandy.

Eske sala keteıik, Gaza sektorynda qaza tapqan palestınalyqtardyń sany 56 531-ge jetkeni jaıly jazǵan edik.