Izraıldiń Gazaǵa jasaǵan shabýyldarynan qaza tapqan adamdar sany 70 112-ge jetti
ASTANA. KAZINFORM — Palestınanyń Gaza sektoryndaǵy Izraıl áskeriniń sońǵy 24 saǵattaǵy shabýyldary saldarynan qaza tapqandar sany taǵy 9 adamǵa artyp, jalpy 70 112-ge jetti. Bul týraly Anadolý agenttigi jazdy.
Gaza Densaýlyq saqtaý mınıstrligi jazbasha málimdemesinde Izraıl shabýyldary saldarynan bolǵan adam shyǵyny jónindegi sońǵy derektermen jáne úıindi astynan shyǵarylǵan jańa máıitter týraly aqparatpen bólisti.
Mınıstrliktiń málimetinshe, sońǵy 24 saǵat ishinde Izraıl shabýyldary nátıjesinde úıindi astynan 9 palestınalyqtyń máıiti shyǵarylǵan, taǵy 1 jaralanǵan adam aýrýhanaǵa jetkizilgen.
Bitim kúshine engeli beri shabýyldar barysynda 356 adam qaza tapqan, 909 adam jaralanǵan, al úıindi astynan 616 adamnyń máıiti tabylǵan.
2023 jyldyń qazan aıynda bastalǵan Izraıl shabýyldary saldarynan Gaza sektorynda qaza tapqandardyń jalpy sany 70 112 adamǵa, jaralanǵandar sany 170 986 adamǵa jetti.
Gazadaǵy bitim jáne tutqyn almasý kelisimi
9 qazanda AQSh prezıdenti Donald Tramp Mysyrda júrip jatqan kelissózder barysynda Izraıl men HAMAS Gazadaǵy bitimniń alǵashqy kezeńin maquldaǵanyn jarııalady. Mysyrda qol qoıylǵan bitim kelisimi Izraıl úkimetiniń maquldaýymen 10 qazanda kúshine endi.
Gazada bitim jarııalanǵanyna qaramastan, Izraıl áskeri ártúrli aıyptaýlardy alǵa tarta otyryp, palestınalyqtarǵa anda-sanda soqqy berip keledi.
Aıta ketıik, buǵan deıin BUU Gaza 70 jyldyq damý jolynan aıyrylǵanyn málimdedi.
Sondaı-aq Gazadaǵy gýmanıtarlyq kómek qory jumysyn toqtatqanyn jarııalady.