Izraıldiń Gazaǵa jasaǵan shabýyldarynan 18 adam qaza tapty
ASTANA. KAZINFORM — Izraıl HAMAS atysty toqtatý kelisimin buzdy dep málimdegennen keıin Gazaǵa qaıtadan soqqylar jasap, onda 18 adam qaza tapty, dep habarlaıdy Aljazeera.
Izraıl premer-mınıstri Bınıamın Netanıahý HAMAS uıymynyń oq atýdy toqtatý rejımin buzǵanyn málimdegennen keıin áskerine anklavqa shabýyl jasaýdy qaıta bastaýǵa buıryq berdi. Gaza sektoryna jasalǵan kóp soqqynyń saldarynan 18 adam kóz jumdy.
Aýrýhanadaǵy derekkózder seısenbi kúni Gaza qalasynyń Sabra aýdanynda 4 palestınalyq jáne Han ıÝnıste 5 adam qaza tapqanyn habarlady. Búkil aýmaqta 50 adam jaraqat aldy.
Netanıahý keńsesi buǵan deıin málimdeme jasap, ol áskerılerge «tez arada kúshti soqqylar berýdi» buıyrǵanyn aıtqan.
Alaıda AQSh vıtse-prezıdenti Djeı Dı Vens Izraıldiń Gaza qalasyna shabýyl jasaýyna, eki taraptyń da mámileni buzǵanyna qaramastan, oq atýdy toqtatý rejımi saqtalyp otyrǵanyn habarlady.
— Oq atýdy toqtatý rejımi saqtalady. Bul usaq qaqtyǵystar bolmaıdy degendi bildirmeıdi, — dep málimdedi Djeı Dı Vens jýrnalısterge.
Aıta keteıik, buǵan deıin Izraıl armııasy Batys Sherııada 21 palestınalyqty ustady.