Izraıldiń Gazaǵa jasaǵan áýe shabýylynan 18 adam qaza tapty
ASTANA. KAZINFORM — Izraıl armııasynyń Gaza sektorynyń ártúrli aımaqtaryna, sonyń ishinde bosqyn palestınalyqtardyń panalaǵan mektebine qaıta-qaıta shabýyly saldarynan 18 adam qaza tapty, dep jazady Anadoly.
Palestınalyq medıtsınalyq aqparat kózderi Izraıl kúshteriniń Gaza sektorynyń soltústiginde bosqyn bolǵan palestınalyqtardy ornalastyrǵan Fatma bınt Asad mektebine soqqy bergenin habarlady. Izraıl ushaqtary ǵımaratqa eki ret shabýyl jasap, 16 adamdy, sonyń ishinde áıelder men balalardy óltirdi.
Kýágerlerdiń habarlaýynsha, Izraıl kúshteri Gazanyń shyǵysyndaǵy Týffah aımaǵyndaǵy birneshe ǵımaratty aýyr atqylaý arqyly qıratty.
Sonymen qatar, Izraıldiń ushqyshsyz ushaǵy Gaza sektorynyń ortalyǵyndaǵy Nýseırat palestınalyq bosqyndar lagerindegi Hammad ál-Hasanata meshitiniń janyndaǵy aımaqqa shabýyl jasap, jas qyzdy óltirdi.
Sondaı-aq birneshe kún buryn Býreıdj lagerindegi Abý Hamıs mektebin atqylaý kezinde jaralanǵan palestınalyq alǵan jaraqatynan qaıtys boldy.
Eske sala keteıik, Gazada 1500-ge jýyq palestınalyq kórý qabiletinen aıyrylǵan.