Izraıldiń Gazaǵa shabýyly: Netanıahý kepilge alynǵandarǵa qatysty kelissóz júrgizýge daıyn

ASTANA. KAZINFORM – Beısenbi kúni premer-mınıstr Bınıamın Netanıahý Gaza sektorynda ornalasqan dıvızııany aralap, onda qalǵan ızraıldikterdi bosatý úshin dereý kelissózder júrgizýge buıryq berdi, dep habarlaıdy Kazinform VVS-ge silteme jasap.

Habarlandyrý Qorǵanys mınıstrligi Gaza qalasyndaǵy Hamastyń sońǵy iri bekinisterin basyp alýǵa kómektesý úshin 60 myńdaı rezervti shaqyrý josparyn bekitkennen keıin bir kún ótken soń jasaldy. 

Áskerıler Gaza sektorynyń soltústiginde jumys isteıtin medıtsınalyq mekemeler men sheteldik uıymdarǵa qala turǵyndaryn osy aımaqtyń ońtústik bóligine evakýatsııalaýǵa daıyndyqty bastaý kerektigi týraly eskertýdi bastady. Bul týraly Izraıl armııasynyń ókili Avıchaı Adraeı beısenbi kúni X jelisinde jazdy. 

Eske sala keteıik, buǵan deıin Izraıl Batys jaǵalaýdaǵy daýly E1 qurylysynyń jobasyn maquldaǵanyn jazǵan edik. 

Sondaı-aq Izraıl Gazany tolyq basyp alý operatsııasyn bastaǵanyn habarlaǵan bolatynbyz.