Izraıldiń Gazadaǵy shirkeýge jasaǵan soqqysynan úsh adam qaza tapty
ASTANA. KAZINFORM — Gaza qalasyndaǵy Qasıetti Otbasy shirkeýine snarıad túsý saldarynan úsh adam qaza taýyp, keminde on adam jaraqat aldy, dep habarlaıdy Euronews.
Izraıl tarapy bul jaǵdaıǵa qatty ókinish bildirip, oqıǵany tergeýge ýáde berdi. Eldiń premer-mınıstri Bınıamın Netanıahý bul týraly AQSh prezıdenti Donald Tramppen telefon arqyly sóıleskennen keıin málimdedi.
— Kinásiz árbir adamnyń ólimi úlken qaıǵy. Biz qaza tapqandardyń otbasy men senýshilerdiń qaıǵysyna ortaqpyz… Izraıl oqıǵany tergep jatyr jáne beıbit turǵyndar men qasıetti oryndardy qorǵaý mindettemesine adal bolyp qala beredi, — delingen Izraıl premer-mınıstri keńsesiniń habarlamasynda.
Izraıl Qorǵanys armııasy (TsAHAL) shirkeýge snarıad synyqtary qatelikpen túskenin málimdedi.
— Gaza qalasyndaǵy shirkeýde zardap shekkender týraly habarlamalardan keıin júrgizilgen aldyn ala tergeý nátıjeleri boıynsha, osy aýdandaǵy áskerı qımyldar kezinde atylǵan snarıadtyń synyqtary shirkeýge abaısyzda túskeni anyqtaldy. Qazirgi ýaqytta oqıǵanyń sebepteri anyqtalýda, — delingen TsAHAL-dyń resmı málimdemesinde.
Aıta ketelik Izraıl shabýyly kezinde Iran prezıdenti zardap shekken edi.