Izraıldiń Gazadaǵy shabýylynan 11 jýrnalıst qaza tapty
7 qazannan beri Izraıl armııasynyń Gaza sektoryna jasaǵan shabýylynan 11 jýrnalıst qaza taýyp, taǵy 20-dan astam BAQ qyzmetkeri jaraqat aldy. Kazinform bul týraly Anadoly aqparat agenttigine silteme jasap habarlaıdy.
Bul týraly Palestına jýrnalıster odaǵy erkindik komıtetiniń baıandamasynda aıtylǵan.
Habarlamada eki BAQ qyzmetkeriniń iz-túzsiz joǵalyp ketkeni de atap ótildi.
Qujatta palestınalyq jýrnalısterge shabýyl jasaýdyń kóbeıýine nazar aýdarylyp, 20-ǵa jýyq jýrnalıstiń úıine shabýyl jasalǵany kórsetilgen.
Sonymen qatar, baıandamada jýrnalısterdiń úılerine jasalǵan shabýyl kezinde olardyń otbasylarynyń músheleri qaza tapqany jáne jaraqat alǵany jazyldy.
Izraıl jaýdyrǵan oqtan «Ál-Jazıranyń» keńsesi, Palestına teledıdary, «Aksa» medıa jelisi, «Maan» aqparat agenttigi, «Ál-Kýds» gazeti jáne keıbir radıostantsııalar zardap shekti.
