Izraıldiń Gazadaǵy shabýyldarynan qaza tapqandar sany 48 543-ke jetti
ASTANA. KAZINFORM - Palestına Densaýlyq saqtaý mınıstrligi Izraıl men HAMAS arasynda 19 qańtarda qol jetkizilgen atysty toqtatý jáne tutqyn almasý kelisiminen keıin Izraıl armııasynyń shabýyldarynda qaza tapqandar men jaralanǵandar týraly sońǵy málimettermen bólisti, dep habarlaıdy Kazinform agenttigi Anadolu-ǵa silteme jasap.

2023 jyldyń 7 qazanynan beri Izraıldiń Gaza sektoryna jasaǵan shabýyldarynda qaza tapqan palestınalyqtardyń sany 48 543-ke ósti, al jaralanǵandar sany 111 981-ge jetti.
Keıingi 48 saǵat ishinde eksklavtaǵy aýrýhanalarǵa taǵy 19 qaza tapqan jáne 26 jaralanǵan adamnyń máıiti jetkizilgeni habarlandy.
Izraıldiń atysty toqtatýǵa qarsy jasaǵan shabýyldarynda 7 adam qaza tapty. Taǵy 12 qurbannyń máıiti qıraǵan ǵımarattardyń úıindilerinen shyǵaryldy.
Gaza sektorynda atysty toqtatý jáne tutqyndar almasý týraly HAMASpen jasalǵan kelisimge qaramastan, Izraıl bul kelisimderdi buzýdy jalǵastyryp jatyr.
Eske sala keteıik, HAMAS atysty toqtatý kelisiminiń ekinshi kezeńinde qalǵan tutqyndardy bosatady.
Sondaı-aq HAMAS sońǵy amerıkalyq tutqyndy bosatqysy keledi.