Izraıldiń Gazadaǵy shabýyldarynan 2025 jylǵy 10 qazannan beri 702 adam qaza tapty
ASTANA. KAZINFORM – Ótken jyldyń 10 qazanynan beri, ıaǵnı atysty toqtatý týraly kelisim kúshine engen sátten bastap, Izraıl armııasynyń Gaza sektoryna jasaǵan shabýyldary saldarynan 702 adam qaza tapty, dep habarlaıdy Anadolý.
Gaza sektoryndaǵy Densaýlyq saqtaý mınıstrliginiń málimetinshe, sońǵy 24 saǵat ishinde aýrýhanalarǵa 18 jaraly jetkizilip, qaza tapqan 10 adamnyń máıiti ákelingen.
Vedomstvo deregine sáıkes, eksklavta atysty toqtatý týraly kelisim kúshine engen 2025 jylǵy 10 qazannan beri Izraıl armııasynyń shabýyldary saldarynan 1 913 adam jaraqat alǵan.
2023 jylǵy 8 qazannan beri Gaza sektoryna jasalǵan shabýyldar nátıjesinde qaza tapqandardyń jalpy sany 72 278 adamǵa jetti, al jaralanǵandar sany 172 013 adamdy qurady.
Izraıl armııasy 2025 jylǵy qazanda jarııalanǵan atysty toqtatý rejımine qaramastan, Gazaǵa shabýyldaryn jalǵastyryp otyr.
Gaza sektoryndaǵy úıindiler astynda áli de myńdaǵan qaza tapqan adamnyń denesi jatyr. Olardyń qatarynda 2025 jylǵy 10 qazannan beri qaza tapqan 756 adamnyń máıiti bar.
Eske sala keteıik, 2023 jyldyń qazan aıynan beri Izraıl armııasynyń Gaza sektoryna jasaǵan soqqylary saldarynan 72 263 adam qaza taýyp, 171 944 adam jaralanǵan.