Makron: Izraıldiń Gazadaǵy operatsııasynyń sońy bitpeıtin soǵysqa ulasýy múmkin

ASTANA. KAZINFORM – Izraıldiń Gazadaǵy operatsııasy óńirde toqtaýsyz soǵysqa alyp kelýi múmkin. Bul týraly Frantsııa prezıdenti Emmanıýel Makron Iordanııa koroli Abdalla II men Mysyr kóshbasshysy Abdel Fattah As-Sısımen telefon arqyly bolǵan áńgime barysynda aıtty, dep jazady TASS.

- Izraıl daıyndap jatqan Gazadaǵy operatsııanyń sońy eki el úshin de apatqa ulasyp, óńirdi bitpeıtin soǵys bastalýy múmkin, - dep jazdy Makron óziniń X áleýmettik jelisindegi paraqshasynda.

Onyń sózinshe, áńgime barysynda Makronnyń ózi jáne Iordanııa men Mysyr basshylary Gazada atysty toqtatý, kepildegi barlyq adamdardy bosatý, turǵyndarǵa gýmanıtarlyq kómek jetkizý HAMAS-ty qarýsyzdandyrý ǵana qaqtyǵysty toqtata alady degen ortaq ustanymǵa keldi.

Makronnyń pikirinshe, Frantsııa, Iordanııa men Mysyr sııaqty ózge de óńirlik seriktesterge Gazany turaqtandyrýǵa baılanysty halyqaralyq mıssııany júzege asyryp, Izraıl men Palestına halyqtary umtylyp otyrǵan maqsatqa jetkizetin saıası sheshim aıasynda jumys júrgizý kerek.

Osyǵan deıin Izraıldiń Gazany basyp alý josparyn maquldaǵany týraly jazdyq.