Izraıldiń Gaza sektoryna jasaǵan kezekti soqqylarynan 7 palestınalyq qaza tapty
ASTANA. KAZINFORM – Izraıldiń Gaza sektoryna jasaǵan kezekti soqqylary saldarynan keminde jeti palestınalyq, onyń ishinde áıelder men balalar qaza taýyp, kóptegen adam jaraqat aldy, dep habarlaıdy Anadolý.
Jergilikti derekkózderdiń málimetinshe, Izraıl áskeri kúni boıy anklavtyń ártúrli bólikterindegi beıbit turǵyndar panalaǵan ortalyqtar men medıtsınalyq mekemelerge soqqy jasaǵan.
2025 jylǵy 10 qazanda kúshine engen atysty toqtatý týraly kelisimge qaramastan, Izraıl Gaza sektoryna soqqy jasaýdy jalǵastyryp keledi. 2023 jyldyń qazan aıynan beri Gazadaǵy Izraıl áskerı operatsııalary saldarynan qaza tapqandar sany 73 myńnan asty.
Eske sala ketsek, jýyrda Izraıldiń quqyq qorǵaýmen aınalysatyn B'Tselem uıymy basyp alynǵan Iordan ózeniniń Batys jaǵalaýyndaǵy Deır-Djarır palestınalyq aýylyna zańsyz evreı qonystanýshylary jasaǵan shabýyldy aıyptaǵanyn jazdyq.
Al osy aıdyń basynda Kıprde Gaza sektoryn qalpyna keltirý jáne qaýipsizdikti qamtamasyz etý jospary qaraldy.
