00:18, 12 Qazan 2024 | GMT +6

Izraıldiń Gaza sektoryna jasaǵan kezekti shabýylynan 21 palestınalyq qaza tapty

Израильдің Газа секторына жасаған кезекті шабуылынан 21 палестиналық қаза тапты — Фото: Анадолы

ASTANA. KAZINFORM – Izraıl áýe kúshteriniń Gaza sektoryndaǵy turǵyn úılerge jasaǵan shabýylynan keminde 21 adam qaza tapty. Bul týraly Anadoly jazdy.

Palestınanyń resmı aqparat agenttigi WAFA-nyń habarlaýynsha, Izraıl ushaqtary Gaza sektorynyń ártúrli aımaqtarynda beıbit turǵyndardy nysanaǵa alǵan.

Izraıldiń ońtústigindegi Rafah qalasyna jasaǵan áýe shabýylynda qaza tapqan alty adamnyń denesi Han ıÝnýstaǵy Eýropalyq aýrýhanaǵa jetkizilgen.

Izraıl ushaqtarynyń Han ıÝnýs qalasynda birneshe ǵımaratty bombalaǵany, sektordyń soltústigindegi Djabalııa aımaǵynda ushqyshsyz ushý apparattarymen jasalǵan shabýylda birneshe palestınalyqtyń da jaraqat alǵany habarlandy.

Gaza sektoryndaǵy Shýdjeıe jáne Zaıtýn aýdandaryn ushqyshsyz ushaqtardyń bombalaýy nátıjesinde 2 palestınalyq qaza tapqan.

11 qazanda Izraıldiń shabýyldary Gaza sektorynda barlyǵy 21 beıbit turǵynnyń ómirin qıdy.
2023 jyldyń 7 qazanynan beri Gaza sektorynda 42 126 palestınalyq, onyń ishinde 17 000 bala men 11 378 áıel qaza taýyp, 98 117 adam jaraqat aldy.

Tegter:

Палестина Израиль Таяу Шығыстағы ахуал

Сейчас читают