Izraıldiń burynǵy mınıstri Gazadaǵy qylmystarǵa óz elin aıyptady
ASTANA.KAZINFORM - Izraıldiń burynǵy qorǵanys mınıstri Moshe ıAalon Gaza sektoryndaǵy áskerı qylmys úshin óz elin aıyptady, dep jazady Kazinform tilshisi NBC News silteme jasap.
Moshe ıAalon Reshet Bet radıosyna bergen suhbatynda Izraıl úkimeti Izraıl qorǵanys kúshteri sarbazdarynyń ómirine qaýip tóndirgenin aıtty.
— Men Gazanyń soltústiginde qyzmet etetin qolbasshylar atynan sóılep turmyn. Ol jerde úlken qylmystar jasalyp jatyr, — dedi Moshe ıAalon.
Óz kezeginde Netanıahýdyń odaqtastary Moshe ıAalonnyń sózderin joqqa shyǵardy.
2005 jyly aıaqtalǵan ekinshi ıntıfada nemese palestınalyqtardyń Izraıl basqynshylyǵyna qarsy «kóterilisinde» ıAalon Izraıl qorǵanys kúshteriniń shtab bastyǵy bolǵany belgili. Ol sondaı-aq 2013-2016 jyldary Izraıl qorǵanys mınıstri qyzmetin atqardy.
Buǵan deıin Izraıldiń Halyqaralyq qylmystyq sot sheshimine qarsy shaǵym túsirgenin habarlaǵan edik.
Izraıl mınıstri evreılerdi Gazaǵa qonystandyrýǵa shaqyrdy.
Ótken aptada Izraıl Gaza sektoryn bombalaýdy kúsheıtip, soqqylardan 42 adam qaza tapty.