Izraıldiń Beırýtke jasaǵan shabýylynan Hasan Nasrallamen qatar IRSK basshysy qaza boldy
ASTANA. KAZINFORM – Túrkııanyń Anadoly agenttigi Izraıldyń Beırýtke jasaǵan shabýylynan keıin «Hezbolla» jetekshisi Hasan Nasralla men Islam revolıýtsııasy saqshylary korpýsynyń basshysy general-maıor Abbas Nılfýrýshan qaza bolǵanyn habarlady.
Nılfýrýshan Irannyń qoldaýyna súıenetin Lıvan men Palestınadaǵy toptarmen uzaq ýaqyt baılanysta bolǵandyqtan, Ál-Quds kúshteriniń negizgi qolbasshylarynyń biri retinde tanymal boldy.
«Irannyń IRNA resmı jańalyq agenttigi Nılfýrýshannyń da Beırýtqa jasalǵan shabýyl kezinde qaıtys bolǵanyn habarlady. General-maıor Nılfýrýshan sáýir aıynda Izraıldiń Damasktegi Iran konsýldyǵyna jasaǵan shabýylynan keıin qaıtys bolǵan general Mohamad Rıza Zahıdıdiń ornyn basqan bolatyn», - dep jazady agenttik.
Eske salsaq, Izarıldiń Beırýtke jasaǵan shabýylynan keıin Irannyń rýhanı kósemi Aıatolla Álı Hameneı óz úıinde Ulttyq qaýipsizdik joǵary keńesiniń shuǵyl otyrysyn shaqyrdy.
Osyǵan deıin Lıvannyń radıkaldy shııtter qozǵalysy «Hezbolla» óziniń jetekshisi Hasan Nasrallanyń Izraıldiń Beırýtqa jasaǵan soqqysynan qaza bolǵanyn rastaǵanyn jazdyq.
