Izraıldiń Beırýtqa shabýyly: Qazaqstan elshiligi qalypty jumys istep tur

ASTANA. KAZINFORM — QR Syrtqy ister mınıstrliginiń resmı ókili Aıbek Smadııarov Lıvandaǵy Qazaqstan elshiligi qalypty rejımde jumys istep turǵanyn jáne qajet bolǵan jaǵdaıda kómektesýge daıyn ekenin habarlady. 

Mınıstrlikte ótken brıfıngte resmı ókil áýe soqqylary jasalǵan aımaqta qazaqstandyqtardyń bar-joǵy týraly suraqqa jaýap berdi.

— Ondaǵy bizdiń azamattarymyzdyń bolýy týraly aqparat joq, biraq bizdiń elshiligimiz jergilikti bılikpen baılanysta otyr. Ózderińiz bilesizder, ótken jyly biz azamattarymyzdy evakýatsııalaǵan edik, eger olar óz betimen turǵylyqty jerine qaıta oralmasa, — dep jaýap berdi Aıbek Smadııarov.

Onyń aıtýynsha, qazaqstandyqtarǵa kómek qajet bolsa, elshilikke júgine alady.

Eske salaıyq, 23 qarasha kúni Izraıl Beırýttyń bir aýdanyna áýe soqqylaryn jasaǵany habarlanǵan edi.

Soqqy saldarynan bes adam qaza taýyp, taǵy 28 adam jaralandy.