Izraıldiń Beer-Sheve qalasynda atys bolyp, 19 jastaǵy shekarashy qyz mert boldy

ASTANA. KAZINFORM – Izraıldiń ońtústigindegi Beer-Sheva qalasyndaǵy bas avtostantsııada bolǵan atys kezinde osy eldiń shekara qyzmetinde jumys isteıtin 19 jastaǵy qyz mert boldy, taǵy 10 adam jaraqat aldy, dep habarlaıdy BBC.

Qarýly er adam avtostantsııa mańynda oq atyp, keıin onyń ózin atyp óltirgen. Izraıl polıtsııasynyń habarlaýynsha, bul - terakt.

Aldyn ala tergeý jumystary oq atqan adamdy birneshe sekýnda sol mańda bolǵan qaýipsizdik qyzmetiniń ókilderi atyp tastaǵanyn kórsetti.

Mert bolǵan 19 jastaǵy Shıra Shaııa Sýslık Izraıldiń shekara qyzmetiniń ókili.

Izraıl jedel járdem qyzmeti medıtsına mamandarynyń atys kezinde oq tıgen 10 adamǵa kómek kórsetip jatqanyn habarlaǵan.

Jergilikti BAQ ókilderiniń málimetinshe, tórt adamǵa oq, qalǵandaryna áınektiń bólikteri tıgen. Olardyń barlyǵy jaqyn jerdegi aýrýhanaǵa jetkizildi.

Atystan soń Izraıldiń Kólik mınıstri Mır Regev «terrorıstiń» otbasyn elden shyǵaryp jiberýge shaqyrdy.

«Izraıl aýmaǵynda shabýyldardy tyıý úshin qatań jazalaý kerek»,-dep jazdy ol óziniń X áleýmettik jelisinde.

Izraıl oppozıtsııasynyń kóshbasshysy ıAır Lapıd, «Biz terrorızmge qarsy qatań áreket etýimiz kerek»,-dep jazdy jelide.

Osyǵan deıin Izraıldiń Lıvan astanasyna taǵy shabýyl jasaǵanyn habarlaǵan edik.